立場新聞 Stand News

【聯航趕客】杜汶澤感心噏 質問「究竟係咩logic可以咁保障航空公司呢?」

2017/4/11 — 15:03

美國聯合航空一架客機因為超賣機位,出動警員將乘客強行拖走,做法激起爭議。藝人杜汶澤在Facebook發文,分享自己曾因超賣機位差點無法上機的經歷。他又反問:「究竟咩政權,可以咁樣保障生意佬呢?點解因為飛行成本高,就可以一千個位賣千幾張機票呢?點解比咗錢都唔等於飛到呢?」

杜汶澤今日在Facebook發文,坦言對聯合航空今次事件感到心噏。他透露自己亦曾試過出國拍戲,但被某航空公司告之沒有機位。電影製片之後透過電話怒斥地勤人員,職員方改口稱「搵到個位比你」。

廣告

杜汶澤在Facebook質問,為何會容許超賣機位的做法:「其實到今日我都仲係好好奇,究竟咩政權,可以咁樣保障生意佬呢?點解因為飛行成本高,就可以一千個位賣千幾張機票呢?點解比咗錢都唔等於飛到呢?究竟係咩 logic乜嘢法律可以咁保障航空公司呢?係咪全世界都咁呢?」

約翰霍普金斯大學社會學系副教授孔誥烽亦在FB發文,稱去年乘搭聯合航空時因超賣機位而無法登機,與職員爭議及等候一小時後終獲check in,「呢D PK狀況,成日有,問下個個都遇過。聯合最嚴重。呢次做到登機完都可以找警察拖你出去,唔引起公憤就假。畀佢咁都過到骨,以後成慣例就大獲。呢單野應該唔會容易收科啦。」

廣告

發表意見