立場新聞 Stand News

重要嘅五分鐘

2019/10/9 — 21:05

作者 Facebook 圖片

作者 Facebook 圖片

五分鐘對於你嚟講可以做咩?沖一個杯麵?睇兩三段手機新聞?或者可以覆好朋友嘅訊息。我就同職工盟幾位代表親自去到國際職工盟亞太區大會上面,喺規定嘅五分鐘發言,用英文同整個亞太區所有國際職工盟地區和國家代表講出我哋香港人點解要堅持五大訴求缺一不可,同埋打工仔女面對緊嘅白色恐怖。

要得到呢五分鐘發聲嘅機會,要事先申請,再由大會安排發言次序。四年只有一次機會,齊集呢一個地區總工會同埋佢哋青年代表、婦女代表。正正因為參與國家好多,唔同國家、地區都有佢哋訴求,希望所有與會代表會支持和關注,每次發言機會都要經過一番努力爭取。

原來香港人嘅抗爭精神對於佢哋一啲都唔陌生!

廣告

可能你很好奇,呢啲工會代表知反送中運動堅持下去又有乜嘢用呢?當然我哋都係公民社會一份子,政治上面有不同團隊去到其他國家講返香港情況之餘,有唔少地區或者國家總工會同佢哋自己政府都有溝通機制,佢哋國家政府都好希望由總工會可以略知一二香港運動發展成點。我相信更加多唔同層次和唔同行業嘅代表們走在一起,等世界各地嘅政府有多角度嘅資訊係非常重要。

我哋今次總算喺呢個難得嘅場合,得到寶貴嘅五分鐘和交入表決議案,盡我最大努力整理好發言重點,並且最後邀請所有與會代表舉起手,大家一齊嗌:Five Demands! Not one less! Stand with Hong Kong!

廣告

 

#五大訴求缺一不可
#兄弟爬山大家努力
#工盟婦女代表青年代表都有得發言
#香港人堅持下去

作者 Facebook

發表意見