立場新聞 Stand News

香港人的幸福度

2017/4/6 — 15:52

NHK「世界のいま」節目截圖

NHK「世界のいま」節目截圖

【文:Samnatha's Select】

小日本真的很壞,亡我大中華之心不死,係都要唱衰香港,挑撥離間!(頭盔已戴好。)

話說昨天(星期日)傍晚,NHK有個叫「世界のいま」嘅節目,以簡單易懂的語言和方式,帶一般家庭觀眾看現今世界各地事情。講到最近有個世界幸福度調查,哥倫比亞人自覺最幸福,排榜首。記者去咗當地問哥倫比亞人點解覺得自己咁幸福乜乜乜。

廣告

之後就講到香港,排第68位。主持和嘉賓大惑不解,香港是富裕先進地區,點解排名急跌?跟住立即去片,由駐港記者在銅鑼灣崇光門口做咗個Live(中繼),問吓香港人點解咁愁?片中播出三位年輕港人的意見——第一位:話完全見不到將來和希望;第二位:話人工同十年前完全沒有升幅,物價卻貴了很多;第三位:言論自由和民主愈來愈收窄...等等。

廣告

我相信記者其實唔止訪問了三人,卻揀出最有代表性的三位,一矢中的講晒年輕人的不滿和香港問題癥結所在,都咪話唔厲害!之後,記者還舉起「廢青」字板,向日本普羅觀眾解釋港青如何被嘲諷及自嘲。

此外記者亦提到樓價問題,說現在即使不是傳統高級住宅街(即豪宅區),一個實用40平方米(四百多呎)單位要賣1億5千萬日元(約一千萬港元有多),眾人頓時大吃一驚。之後還採訪了劏房戶。

節目繼續講解為何港人如此不滿,理由是中國的影響。並以上週特首選為例,叫嘉賓估吓究竟民間支持度56%的曾俊華當選、或是只有28%的林鄭當選?當主持人開估時,大家都彷彿明白香港人的幸福度為何低處未算低。

所以咪以為日本人唔知香港發生咩事,而多啲類似節目亦係好事,等人哋知道Hong Kong is not China 呀,抵我家每年俾成兩萬円受信料睇NHK。

(Btw, 是次調查,日本排26, 中國排第3,所以毋需太認真。)

 

作者 facebook

發表意見