立場新聞 Stand News

給反對同性戀婚姻、站不穩立場的人的一些解答

2015/7/1 — 15:38

【文:WHY】

對於同性戀呢個議題真係有好多野想講,見到好多反對聲音既論述,我自己唔係好叻但係美國咁岩take左LGBTQ studies,好多問題我都嘗試係到解釋下。

好多人覺得同性戀者婚姻合法化之後會有slippery slope,繼而使人獸婚姻合法,亂倫合法,多元婚姻合法,呢個諗法其實暗示左大家覺得婚姻就係異性戀一男一女可享有既專利,其他意圖入侵婚姻制度都係異物。我自己覺得要討論以上各種婚姻是否可行太複雜,但反觀現代社會係呢一刻對同性戀者接受程度係相對高過以上其他例子好多,道德價值係隨著社會風氣改變的,好難講會唔會以上都可以被接受。但一件事還一件事,以上各種可行或不可行的配對基本上係無關連的,正如同性戀者都可以覺得人獸交唔合情理都接受唔到亂倫。

廣告

之後又會問,咁到底對婚姻有咩害?

廣告

最常聽既反對聲音係鼓吹性解放。但事實上婚姻呢個制度,本身已經係對性有束縛既意思,婚姻意味著之後既性生活只得另一半/結婚對象,無疑係減少左大家與其他人發生性關係。

當講到呢到,又會問,專一好嗎?

去遠d,可以咁講,點解人咁推崇loyalty,點解專一係一種值得推崇既品德,有冇人係天生多情(我唔用花心)既呢?如果有多元家庭對社會風氣有咩影響?都值得諗下,無人有標準答案。

其實外國既反對聲音並唔只來自宗教,甚至有同性戀者activists都反對。對佢地黎講,佢地係唔相信婚姻制度,認為婚姻制度由以前用黎令社會安定建立家庭生兒育女,到今時今日已經係異性戀者用黎作排他,得到在社會的特權既一種制度。所以一班activisits覺得,要爭取平權之餘,更加希望社會去question同challenge婚姻呢個制度,而唔係讓同性戀者都fall入一個未經challenge既制度。

其實係咪一定要結婚,都已經討論左好多年,但事實上東西方社會就算過左咁多年都仍然推崇緊要組織家庭,結婚好似係人生既大方向。兩老總是會問你幾時想結婚,朋友言談間總是會覺得要儲錢揾個伴結婚,證明社會風氣上仍然好相信婚姻,婚姻都象徵著settle down,長大,組織家庭,有小朋友etc......
有人提到同性戀家庭想要小朋友好自私,害左下一代。

其實你擔心之餘,係咪就覺得同性戀家庭唔擔心....我諗個小朋友係佢地既,佢地擔心佢被欺凌被歧視多過你地啦,對於大家指手畫腳一味覺得人地想要小朋友係滿足個人情感需求,真係講到有d嬲。不過事實係,even異性戀家庭都會擔心自己下一代係呢家呢個社會如何自處,同性戀家庭擔心得更多,所承受既壓力仲多。佢地決定要有小朋友都要好大勇氣同好大信心。(並唔係話佢地個個都一定要小朋友不可,正如有異性戀者結婚唔生仔一樣。)

但到底係咪會害到小朋友呢? 我自己覺得唔會的, 如果大家都唔對同性戀家庭有奇異目光, 社會教育小朋友認識有同性戀家庭, 小朋友又如何會suffer呢? 覺得會害到小朋友既人, 基本上就係害小朋友既始作俑者, 因為佢地已主觀覺得那些小朋友好不幸,覺得佢地接收唔到正確既家庭觀念,而呢種想法正正係因為佢地打從心底從來無接受過同性戀者。除左因為佢地心入面仍然傾向覺得同性戀就係錯,同性戀就係唔正常之餘,真係諗唔到有咩原因會害到...

有人話同性戀家庭助長同性戀更加盛行,會培育出更多同性戀小朋友。

首先,呢個假設,仍然係將同性戀者立入不同既範疇人面,假定左同性戀者就是不好的,唔應該有更多。

第二就係,成個世界咁多同性戀者,有幾多係成長於同性戀家庭...點解係異性戀家庭生活既kids都會同性戀者?咁點解同性戀家庭唔可以培育出異性戀既小朋友...?

之前睇過健吾一篇文,講到人類既自私就係將少數排斥,不斷去否定其他不同既價值,從而將自己個套抬高,去令自己feel more superior,其實真係好中,因為大部分反對者都可能潛意識下覺得婚姻制度係屬於異性戀,屬於正常人,其他次一等既,唔好侵犯我個套,試問佢地又自唔自私?(唔係個個都咁諗我知道的)
講到底,反對既人,都係唔相信,同性戀者係天生的,覺得同性戀係自己揀,覺得佢地自己揀左呢條路就唔好出黎爭呢樣爭個樣。我exchange既best friend同我講其實有腦都唔會揀比人歧視比人覺得係異類,唔係咁多人想做與別不同架ja...

見過有教會傳道人話接納同性戀者只要佢地唔好再犯就得....我都不禁發現其實好多人都對同性戀議題零認識,到底佢有冇試過同真正既同性戀者溝通過,知唔知人地點諗架呢?不要再犯,姐係唔好發生同性性行為,定唔準有性興奮,真係想問佢係咪可以控制到自己幾時有生理反應。

其實走一轉外國都會見到,LGBTQ friendly既教會有好多,佢地會掛彩虹旗係門口,雖然我無入去問個究竟,但真係覺得其實好多野真係唔係咁死版係就係唔係就唔係。

最後,無論我支唔支持婚姻制度都好,你認唔認同婚姻制度都好,總有人想結婚,總有人想與另一半有名有份。多一個選擇比佢地,你唔會少左忽肉,如果你計較多人爭社會資源wellfare家庭資助,其實你係反對其他人結婚including異性戀。

sorry for 1999, 其實我真係好鍾意係美國讀既gender studies classzzzzzz
 

 

作者簡介:中文大學新聞與傳播學三年級生,在美國留學時修讀兩個性別研究的基礎課程,故有感而發。

原題為〈給一些反對同性戀婚姻/站不穩立場的一些解答〉

發表意見