立場新聞 Stand News

來自有線的鐵飯碗

2018/4/1 — 18:41

有線電視大樓

有線電視大樓

 

升職加人工是好多香港人的夢想,最好就年年有雙糧,日日計獎金,不過世間哪有如斯美好的事,大家還得埋頭苦幹,做到碌葛。但小弟近日卻發現有間公司就算蝕錢都要出多幾個月獎金、花紅俾員工,到底係邊間公司咁筍?

有線寬頻通訊有限公司前幾日發表業績報告,雖然公司只是成立了短短25年,但2017年已是連續第10年虧損,一共20億。當然虧損原因可以有好多, 

廣告

媒體沒落、新媒體、OTT興起等都可以是令有線虧損的主因,但奇就奇在,有線對員工之好可以話係海內外無一公司能及:公司有逾1,800名員工,截至2017年12月31日止年度的薪酬及有關開支達6億5千萬,中高層員工人數約400人(即20%之員工),而此400人是香港的幸運兒(其次係小弟未見過一間公司可以有20%中高層),因為有線電視員工的花紅是同行之冠,中高層固定花紅達4至6個月,即是無論公司賺定蝕,中高層都穩袋18個月糧,真正的做又36,唔做又36(你睇下有線電視嘅graphic design,真係不敢恭維)。

為了止蝕,發展OTT、趕上媒體新潮流固然重要,但講到天花亂墜,又話改革媒體、提升服務質素、同Fox Networks Group 合作,但計小弟所說,如果有線能夠認認真真地反省下中高層員工的薪酬和福利,可能止蝕的效率會再高啲。

廣告

話雖如此,但人生來就有惰性,加上香港地大多老闆都孤寒刻薄,能夠有間願意犧牲自己、成全員工的公司,小弟都好想加入,為咗固定的18個月糧折腰都合理呀可?有線大大,仲請唔請經理呀?

發表意見