立場新聞 Stand News

兩害取其輕,我寧願王維基入主亞視

2015/3/31 — 18:44

ATV股權唔係你話想買就買得,成件事要有某勢力點頭先做得到。理論上,Wiki Wong而家買到ATV,係某勢力祝福,而且可能要立投名狀。

HKTV由網上電視變成大氣電波廣播係好事定壞事?現實好無奈,你要得到大氣電波先可以入屋俾啲師奶同老人睇到,咁先至有機會有維持收入。靠個要上網先睇到嘅機頂盒,老實講,有幾多中老年人識裝?

咁要換取個大氣電波牌照就唔可以再拍啲好批判性嘅劇集,呢個係事實。但如果繼續做「網台」燒錢,長遠嚟講,執埋笠就咩劇都拍唔到,大家一樣冇劇睇。

廣告

兩害取其輕,我寧願Wiki Wong入主亞視,唔好再俾啲「感動香港」、「把鬼當歌」、「香港百人」無限loop污染個大氣電波。

不過,好多朋友從Day One開始已經提醒大家唔好神化Wiki Wong,出得嚟做電視台老闆,你唔好expect佢會係民主鬥士,響一個威權社會,兩樣嘢唔可能同時發生。如果佢真係搞得成,大家希望佢拍得出似樣劇集,同TVB有競爭已經好難得。

廣告

假設亞視新聞冇亂報,如果真係又嚟多次江澤民不死鳥事件嘅話,大家唯有當愚人節提早一日。

 

原刊於作者 facebook;標題為編輯所擬

發表意見