立場新聞 Stand News

《蘋果》副刊改版變「果籽」

2015/3/5 — 21:00

圖:《果籽》Facebook專頁(https://www.facebook.com/AS.AppleDaily?pnref=story)

圖:《果籽》Facebook專頁(https://www.facebook.com/AS.AppleDaily?pnref=story)

「預告片中黃之鋒嗰條係咩嚟?嗰條題叫改造黃之鋒。我地搵啲local stylist,改造黃之鋒,做3個look,一個入立法會look,一個咩look......借佢嚟介紹時尚題材!傳統stylist配個靚仔Model嘅做法,我怕未夠吸引!」

《蘋果日報》副刊即將進行大改革,成為全新《果籽》,壹傳媒Chief Marketing Officer兼《蘋果》執行總編輯徐緣向本網透露,為了今次改革,困在公司房間整整3日,扭盡六壬與團隊不同同事Brainstorming,已經想出近千個專題題目,「我逐條題捽過一次......跟同事扭咗成千條題,扭足3日,扭到我都乾晒」。

當中固然有不少挫折,他透露其中一個失敗例子:

廣告

「我諗咗個,搵(特首梁振英次女)梁齊昕,教人剪『齊陰』(留海)裝!我覺得呢個好掂!點知梁齊昕突然話謝絕傳媒訪問!我做唔到呢個!」

這次改革有兩個主要大方向。第一,擴闊題材,如加強寵物、科普等文化傾向的範疇;第二,由於《蘋果》本身較大眾化,他希望這次在形象上可以推高一點。

廣告

為何要花費大量人力物力資源改造副刊?除了在於提高大眾的品味,擴闊讀者視野,徐緣亦希望帶動文化知識的傳承,不怕做太深奧的題材,不怕曲高和寡。他直言受到《主場新聞》啟發,希望給予年輕人機會,為新人提供平台,讓他們做真心喜愛的事:

「《果籽》團隊同我地一啲合作伙伴不少都好後生,我希望今次呢件事,盡可能結合多啲Young Talent嘅力量......我一入到嚟呢度,第一個工作就係每個同事見一次,每個見半個鐘頭左右,問佢哋真心鍾意乜嘢,然後我就根據佢哋每個人真心喜愛嘅東西,執過個team,不論佢哋有冇經驗,不論佢哋識唔識寫文,純粹論佢哋本身嘅興趣。」

不過,這絕對不是不辛苦的事,由於徐緣要求記者除了處理文字編寫,還需負責相關影片的拍攝和創作,部分成功,部分不習慣,所以3個月來十分辛勞,他笑言「瘦咗5鎊,白頭髮範圍大咗10%」。不過,做市場推廣出身的他發現,原來傳媒行業真的有種魔力,「又真係辛苦,但又不停想去做」。

近日,《果籽》已開始在其Facebook展開宣傳攻勢,今日推出兩段宣傳片,徐緣預言,明天會再有兩條。至於下周一正式面世當日,他會發表長達3,400字的創刊詞,同時公布3隻由年輕插畫師麥東記設計的吉祥物。

 

 

發表意見