立場新聞 Stand News

你熄燈1小時 我開足364日

2019/3/31 — 14:52

圖片來源:地球一小時宣傳片

圖片來源:地球一小時宣傳片

今年3月30日的地球一小時(Earth Hour)以「慳啲,醒啲,改變生活,變好世界」作為宣傳口號,不知不覺間,一搞就搞了13年。除咗以熄燈作為一個象徵意義的行動,更提倡停用即棄塑膠、綠色消費、低碳出行、資源循環利用。

我們做廣告的,每一位的內心深處,都會有一個「改變世界」及「令世界變得更美」的夢想。在芸芸廣告宣傳活動來說,這個WWF的環保活動,的確相當成功及有代表性。由「宣傳活動」變成了「運動」,默默影響了人們的思想和行為,改變和令世界更美。廣告,唔一定商業化。

唔講可能唔知,原來香港人,比起好多生活在其他國家的都市人,現時的生活方式遠遠超過了地球的負荷。打個譬如,假若全球人類都以香港人的模式生活,其實需要3.9個地球的資源才夠駛。你睇,人哋就一年熄一次燈,香港就由2004年起,每晚準時開晒維港所有燈,有理冇理「幻彩詠香江」(旅發局會在3月30日no show 一日嚮應一下,同時也避一避風頭)。熄燈減碳對於香港來說,似乎比起其他任何人更應關注。

廣告

大陸的情況更誇張,關燈固然可以節省電廠的碳排放,但即使全球人類的所有住宅熄燈一小時,涉及的碳排放量其實只相當於中國碳排放減少幾分鐘。好可能只要在中國多搞些奧運、世博、高峯會等全球大型活動,由中央強制所有工廠停工,阻止污染一頭半個月,比起每年熄燈一小時有效千萬倍。

廣告

發表意見