立場新聞 Stand News

印花有咩問題

2015/8/31 — 14:02

印花同coupon都係常見的速銷工具,好多人會以為係差唔多的東西,多謝OYIF成員Kelvin Yip的一次分享,才令我認識印花背後的問題。

印花同coupon 好多時都係為左增加顧客的忠誠度,你幫襯一齊,畀張coupon你下次用或畀個印花你儲, 都係希望你下次返黎消費。

但印花換取的物品其實並不是透過正常銷售渠道去進行交易,如果貨不對辦,可能並沒有退貨機制,亦令貨品質素沒有任何保証。我自己就發覺好多時物品張相就影到靚一靚,見到實物先會知中伏,但好多時睇到實物時已經係後期,而大家亦儲到一定數量的印花,換唔換都好,商家亦已達到增加大家消費的目的。

廣告

另一個問題係印花會造成大量垃圾。印花計劃完結,點都會有物品換唔晒,點處理呢?好多時要焗住掉。因為本身件野已經係用印花換,多數都唔係咩值錢野,如果換唔晒攞番出黎賣好容易會招人話柄。另外,又唔可以免費送出黎畀其他人,如果唔係,辛辛苦苦儲夠印花換果d人實會出黎嘈,所以好多時商家要悄悄地令這些換唔晒的物品消失,就係這種介乎要錢同唔要錢之間的微妙關係,造成一種特別的垃圾問題。

最後,印花本身亦係一種回收唔到的東西,咁又可必花時間儲咁耐被商家玩弄,又做d破壞環境的事呢?

廣告

FreeSth 不准大家徵放印花,就是由於以上的種種原因,但令大家了解背後的問題才是最重要。

 

FreeSth facebook

 

發表意見