立場新聞 Stand News

金錢如何破壞世界 Freecycle 的意義

2015/8/16 — 18:20

Mark Boyle (圖片來源:Mark Boyle )

Mark Boyle (圖片來源:Mark Boyle )

話說我前幾年睇完一本書,令我開始不斷問好多問題,再去搞FreeSth。

本書叫〈一整年不用錢〉,係英文書'The moneyless man'的譯本。作者叫Mark Boyle(他的Ted Talk), 係一個讀經濟的大學畢業生。佢認為好多世界問題都係由金錢產生,所以毅然決定完全唔用錢生活一年,住喺一架trailer car到,每星期幫農場打理幾小時去換取停泊位置,自己學種食物,製造鉛筆,牙膏等日用品,或用以物易物去解決生活問題,去證明唔用錢都可以過不錯的生 活。

Mark認為錢令大家同身邊各樣東西距離愈來愈遠,大家花錢買嘢,唔會去了解每件物品係點做出黎,喺邊到做,邊個做出黎,同對環境有咩破壞,亦唔會珍惜。 當你棄置物品時,又有其他人幫手處理,你唔會知件嘢最後會有咩下場。大家就只係知每件物品整個lifecycle的一個snapshot而已。佢認為就是 這種disconnection, 先造成種種社會問題。

廣告

Photo source: RYPL

Photo source: RYPL

廣告

金錢本來只是大家的一種交易媒介,現在卻變成各種金融工具,亦成為大家日常生活做決定的一種指標。但每件物品的價錢和價值是不同的,價錢好多時係因供求而訂定,大家只望住價錢做決定會帶來好多問題。

可能便宜的東西比貴的東西carbon footprint更高,可能沒有合法處理污染物而平少少,可能因僱用童工或因為工作環境差而節省成本。但貴的產品又唔一定環保d對世界好少少,可能純粹被商人從中謀取暴利。你唔知,亦冇辦法知。

Photo source: Zoriah

Photo source: Zoriah

Photo source: World News Daily Report

Photo source: World News Daily Report

正常人見到平嘢應該會好開心發狂,但當我每次見到平嘢之後再諗下自己係咪破壞緊環境,剝削緊地球另一邊的人時,慢慢就訓練到自己唔會咁容易受一個價 錢牌影響去買嘢。每次買嘢都咁多內心掙扎其實好痛苦,漸漸地愈買愈少嘢,有需要先買,買平左又好,貴左又好,總之減少消費,就係最好的選擇。

我覺得要學Mark Boyle咁自給自足生活有一定難度,但亦唔想下下買嘢都咁多內心掙扎,最後發現用二手野就係最好。件嘢可能係破壞環境,剝削童工而來, 但所有野已經發生左,而件野而家就喺你附近,如果唔繼續用盡佢仲去買新嘢就係支持呢個咁唔道德的經濟。

而搞好一個二手買賣平台或Freecycle平台,就係破壞這個不道德經濟的最好方法,所以我搞左個免費物資平台叫FreeSth,亦希望大家學習抽離金錢去睇身邊的事。

 

同步刊登於FreeSth Blog

發表意見