立場新聞 Stand News

22元機票的背後

2015/11/27 — 18:08

有線電視新聞截圖

有線電視新聞截圖

HK Express 最近推出 $22 的機票,好多人都好瘋狂去搶購,但背後有好多野大家係睇唔到的。

飛機極唔環保,汽車已經好唔efficient,internal combustion engine 得果30% efficiency,其餘能量變成廢熱和噪音。
但飛機比起汽車更唔環保,淨係起飛時的使用,已經消耗一公噸燃油。

廣告

$22 一張的機票好平,係因為好多成本冇計落去。空氣中PM2.5危害人類健康的成本,氣候變化的成本,水位上升淹沒世界各地城市的成本,北極熊同各樣物種絕種的成本,未來N代生活環境的成本......等等。如果大家會諗咁多野,再平的機票,都唔會想狗衝。

廣告

雖然我都好鐘意去旅行,但我都係prefer用陸路去長旅行,甚至係單車旅行,去D冇遊客去的地方。

普遍香港人旅行的模式,都係去果D旅遊點,打個卡,買份三文治,好似奴隸放監咁來去匆匆。去旅遊的地方,都是被開發迎合遊客口味的,更莫講話去完旅行會有甚麼文化交流或深度見識。之前仲興埋D咩「東京即日來回1天遊」,我真係唔知講咩好。

而家十一月都咁熱,月底在巴黎召開的氣候高峰會,我都不寄與厚望,大家睇下身邊有幾多見平就衝的野獸,就知個問題係幾咁嚴峻。

同步刊登於 FreeSth Blog.

發表意見