立場新聞 Stand News

中國足協海報又引發廣告「抽水」潮

2015/6/10 — 17:58

網絡圖片

網絡圖片

「抽水」已成為常用的宣傳手法。中國足協近日發佈的關於世界盃外圍賽中港對戰的海報,用上「膚色」作主題,惹來歧視港隊疑雲,更成為各大小品牌「抽水」的新目標。其中Tic Tac糖簡單「一抽」已獲逾2000人讚好,成為這一輪「抽水」戰的大贏家。

Tic Tac糖昨日於Facebook上載圖片,格式和足協海報相近,寫著「唔好比人睇小!我哋呢班Tic Tac,有黃色、有白色、有橙色、有粉紅,目標都係想為大家帶嚟Fun味,記得撐我哋啦!」。網民反應極為熱烈,不足一天已有逾2000人讚好及獲300多人轉載,是暫時反應最好的廣告。

Tic Tac雖小,但Fun味極大!所以…唔好比人睇小!我哋呢班Tic Tac,有白色、有黃色、有粉紅、有橙色,目標都係想為大家帶嚟Fun味,記得撐我哋啦!

Posted by Tic Tac on Tuesday, June 9, 2015

德國百靈牌電鬚刨亦在昨日上載了中國足協海報的二次創作,寫著「不輕視任何鬚根」,「咁有層次嘅面形要剃乾淨啲!」雖然和Tic Tac糖的上載相近,同喝「頭啖湯」,不過反應就差得遠,一日後只有四十多個「Like」。

廣告

最厲害嘅男人,面對挑戰,最緊要做好自己,抬高頭應戰,唔好比人睇死!

Posted by Braun HK on Tuesday, June 9, 2015

電子產品Logitech同樣在昨日「抽水」,宣傳其遊戲比賽,一日內有200多個「Like」,反應算不過不失。

【體育競技 互相尊重 放諸四海皆準】TSM加油! Team SoloMid香港加油! 香港超級聯賽 Hong Kong Premier League

Posted by Logitech on Tuesday, June 9, 2015

延至今日,這股「抽水」熱潮仍未減退。「M&M’s」朱古力今日的廣告,就指其朱古力「有紅色、有黃色、有藍色……目標都係想帶啲歡樂俾香港人」。「抽水」慢了一拍,但六小時已有1500多個「Like」。

廣告

係香港人點都要撐!

Posted by M&M's Hong Kong on Tuesday, June 9, 2015

年輕人雜誌《100毛》一向善於「抽水」,今日下午就以足協海報宣傳《100毛》創辦人林日曦一系列散文集。雖然反應不算快,但無阻《100毛》的粉絲「讚好」,三小時已獲逾800「Like」。

我腦細林日曦喺自己FB話......「你班人成日抽水宣傳自己嘢,真係好唔應該…Anyway,不要輕視任何宣傳這個作者的書,有黑面,有青筋,有白痴,有肉麻,有灰鳩這麼有層次的作者,得防著點!」

Posted by 100毛 on Tuesday, June 9, 2015

發表意見