立場新聞 Stand News

人人潮玩「流挑戰」

2019/1/19 — 17:25

立法會議員容海恩在社交媒體貼出自己的「十年挑戰」相片

立法會議員容海恩在社交媒體貼出自己的「十年挑戰」相片

近日社交媒體潮玩「10 years challenge」 ,玩法好簡單,只要把十年前 2009 年和今天 2019 年的照片 side by side,post 給大家看看有甚麼分別。

然後收到的留言,不外乎完全冇老過、根本就分唔到邊張係今天邊張係十年前、吃了哪個牌子的防腐劑、誇張啲甚至乎肌齡逆轉,比起十年前更年輕、喺街撞倒十年前的你一定唔認得、又或者撞倒一定見鑊打鑊等等。

與其說是挑戰,不如說是一個小遊戲,大概是來自fb的自動重溫 N 年前的舊照功能,時刻刺激你的腦細胞去回憶當年今日你個 look 係點、做緊啲乜、同咩人一齊……這個遊戲有齊社媒 101 的基本條件:易玩、簡單、shareable、一個 post,由外國明星延伸至本地明星名人 KOL 帶動潮流,人人都可以參與。

廣告

然而,說穿了,全部只觀乎表面,再加埋一大堆討好奉承的留言罷了。比較從前「冰桶挑戰」所具備的 Purpose、社會使命和影響力,這個如 Photo hunt 一樣的所謂挑戰,根本就沒有真正的挑戰,也沒有人會得益,隨便用個「挑戰」來包裝,令吸引力變得大一點,玩落不會覺得太無聊而已。

計我話,至少應該找來一眾化妝品、護膚品、甚至整容廣告商合作。又或者,如果識得玩,就應該把這個「流挑戰」變成「真挑戰」。不要單與歲月時間競賽,除了頭髮疏了白了、頸紋魚尾紋多了、瘦了、肌肉結實了,作為人生鬥士,在歲月不留情背後要說的故事是甚麼呢?是理想、目標?是堅持、恒心?是初心、熱情?挑戰一下十年前後「價值」上的轉變不是更有意義嗎?

廣告

人生到底有幾多個十年?不知道 fb、IG、Twitter 仲有冇下一個?

發表意見