立場新聞 Stand News

今日薯條睇真D(第一集)

2016/10/4 — 11:55

本文圖片由作者所攝

本文圖片由作者所攝

相信好多人都去過Burgeroom食野,因為佢地嘅Burger都好出名。不過,原來佢地係幾個月前係尖沙嘴開左分店,終於唔洗騎牛過海去銅鑼灣食啦,嗚嗚嗚⋯

既然係第一集,記者薯毛毛表示自然要重手啲!一係就唔食,一食就食兩款!

第一款係黑松露芝士薯條,單睇賣相同擺上枱就聞到陣陣嘅芝士味,就知佢係醬汁方面係落足本嘅!薯條份量都覺得適中,唔多唔少。不過,由於佢係炸完再焗嘅關係,始終會比較快淋,同埋,黑松露味無芝士味咁強,呢度無奈要扣少少分。

廣告

第二款係旋風薯條,其實香港都有快餐店試過賣過呢隻薯條,不過,呢間好嘅地方係食得出薯肉味好重,夠香脆但又唔會成口都係油,同埋個份量唔少。雖則,茄汁方面就唔特別,但可以免費任加,算係滿足到一班鍾意食醬嘅朋友啦!

好啦,總結下評分先:

廣告

1. 黑松露芝士薯條
薯條Size:粗薯條
價錢:$62
賣相:4/5(賣相靚仔,份量又唔係少,芝士味又突出,用鑊仔上係我心目中係加左分)
薯條質素:3.5/5(薯肉味OK,但始終係炸完再焗,好快淋)
醬汁/調味:4/5(份量適中,絕對夠食,但芝士味勁過黑松露味之下唯有扣分)
性價比:3.5/5(始終黑松露味唔夠真係致命傷)

2. 旋風薯條
薯條Size:幼薯條
價錢:$28
賣相:3.5/5(始終無黑松露芝士薯條個個咁特別)
薯條質素:4/5(薯肉味好突出,夠香脆,但又唔會覺得油)
醬汁/調味:3.5/5(茄汁唔特別,食落應該係亨氏茄汁,但勝在任加,另外有芥末醬可以揀)
性價比:4/5(以佢個價錢同份量黎講當然係抵食同高性價比)

選擇餐廳性質:2-4人聚會最適合,因為場內嘅擺設都係專為2-4人而設,而且都坐得舒服,唔會話坐得迫。

係呢度,薯毛毛其實好多謝一班俾我私底下煩過嘅朋友,你地俾左好多好有用嘅意見我,最後先簡化到呢個評分表出黎,唔知大家又點睇呢?薯毛毛表示等緊你地嘅意見呀!

仲有仲有,估唔到開左一日都無,已經接近300人Follow呢個Page,真係好好好好好多謝你地呀!

《今日薯條睇真D》去到呢度!記者薯毛毛下星期再同大家見面!拜拜!

 

P.S. 覺得OK嘅話可以Share俾其他朋友睇㗎!

#Burgeroom
#薯條
#黑松露芝士薯條
#旋風薯條
#我係薯條控
#今日薯條睇真D

作者 facebook

發表意見