立場新聞 Stand News

今日薯條睇真D(第五十三集)

2017/11/21 — 13:34

其實薯條一直以黎都可以配好多野食,今次薯毛毛就帶大家去鋸扒!不過,今次呢間餐廳嘅牛扒係非一般嘅牛扒之如,仲要開宗名義講到明,佢地晚市嘅薯條係任食!咁究竟有幾堅?就等薯毛毛帶大家去試下啦!

一埋到位每個人都會有一隻細碟係專門裝薯條,即使係任食薯條,但個份量都幾多下!最令人驚喜係薯條質素都相當唔錯!佢地係用左幼身帶薯皮嘅薯條,唔太油,幾乾身,但食落去係好有薯仔味,薯毛毛前後食左4 Round,有2 Round仲要係新鮮熱辣,剩低2 Round都係暖嘅,絕對係非常出色!完全無諗過任食得黎都可以有呢個質素!至於調味方面佢地只係用左鹽去調味,不過,或者可能個人唔係太受得鹹味,覺得好似鹹左少少,另外,佢地亦都擺左成枝亨氏茄汁係度,唔洗擔心唔夠醬食呀!

廣告

廣告

 

評分:

薯條Size🍟:幼薯條

價錢💰:N/A

賣相📷:4/5(一埋到位就一人一隻碟係專門裝薯條,仲要份量都幾多下,正!)

薯條質素🌟:5/5(薯條出乎意料地好食!幼身薯條,條薯皮,但食落好有薯仔味,而且絕對係即整,食落唔太油,亦都幾乾身,真係好正呀!)

醬汁/調味🍯:4/5(只係簡單地用鹽去調味,但個人覺得略為鹹左少少,另外都有亨氏茄汁俾大家點黎食)

性價比💸:5/5(任食之如,仲有咁有質素,你想挑戰你個胃嘅極限未?)

總分💯:18/20

選擇性質:由於只係小店,大約得30個位左右,所以如果唔想等太耐,2個人黎撐枱腳就最好啦!

講左咁耐,講返塊牛扒先。呢間餐廳係用左好少人會用嘅Flat Iron,即係牛嘅膊頭位,但食落出奇地入味,真係好好味呀!而且,份量只係8oz左右,唔怕食滯!今次薯毛毛係揀左佢地嘅Guest Chef’s Flat Iron Steak,佢地個汁係黑椒、白蘭地,再加埋小牛仔混合而成,個汁食落都幾正!如果唔鍾意食牛嘅朋友,佢地都有豬俾大家揀嘅!

仲有一點真係一定要讚,就係佢地嘅待應係會主動埋黎問你要唔要薯條,態度真係好到不得了!如果大家睇完都想去幫襯嘅話,要留意返佢地係無得訂位,同埋佢地嘅老闆話俾薯毛毛聽,通常假日夜晚六點幾開始就好多人黎排隊,一排就排到九點幾先會消化哂條隊,閒日夜晚就七點幾打後基本上都易有位,各位觀眾要留意返啦!今集就講到呢度先,拜拜!

餐廳:Top Blade Steak Lab

地址:何文田梭椏道4A號榮英大厦地舖

想睇返之前嘅推介?Click呢度啦:https://goo.gl/g9WbF3

#TopBladeSteakLab

#香港 #九龍 #何文田 #梭椏道

#薯條 #Fries #FrenchFries #任食薯條

#牛扒 #FlatIron #GuestChefsFlatIronSteak

#薯毛毛 #薯條控

#我係薯條控 #今日薯條睇真D

發表意見