陳思銘

陳思銘

九歲負笈英國,十四年後畢業歸來,創辦英識教育;如今身在港,心也在港,但思想始終停留在彼邦。 www.facebook.com/ukchitchat

2019/4/3 - 15:25

光輝歲月 — 20 個英國寄宿生活回憶

資料圖片,來源:Hugo Sousa @Unsplash

資料圖片,來源:Hugo Sousa @Unsplash

1. 八、九十年代英國的寄宿學校香港人不多,幾乎全部也是鬼仔,可能你已是成間學校唯一一個香港人。遇到個香港人真係開心都不得了,直頭好似中六合彩一樣咁開心。

2. 早期的 boarding school 大家要一齊瞓 dorm,試過 16 個人瞓喺一間房,夜晚嗰陣啲鼻鼾聲非常惡頂,高中低音樣樣齊,仿如一首環迴立體聲的奏鳴曲。今日的寄宿學校私隱度較高,十年級的學生會分派去較 cosy 的四人房。

3. 寄宿學校舊式的沖涼房是 communal shower,即係一大班男仔除哂啲衫,肉帛相見,一齊用花灑沖涼。好在我當年讀小學,大家都未發育,個對比無咁 embarrassing,我講緊高度。九十年代初,學校逐漸以間隔式的 shower room 取代 communal shower。

廣告

4. 最慘是熱水供應非常不穩定,時凍時熱,簡直是冰火交融。更慘係天寒地凍嘅冬天先嚟壞,只有凍水無熱水,加上水力細,射水方向頭搖又尾擺,永遠要同啲同學爭 best shower。其實唔只 shower,連洗面盆都要大家一齊 share。

資料圖片,來源:Pixabay

資料圖片,來源:Pixabay

5. 好記得當年英鎊匯率是 1 對 16,算起來學費和生活物價也非常昂貴。現在英鎊匯率大幅下跌,Brexit 後更一度跌穿 10。

6. 90 年代去英國讀書大部份學生也是乘搭國泰/英航/維珍客機,自從「中東三寶」出現後,今天不少學生乘搭 Emirates/Etihad/Qatar,來回英國通常五千有找。

7. 當年讀 boarding school 每次放完假返英國都拎住兩大箱行李返,啲鬼仔就擺啲 cricket bag 和體育器材入 trunk,我就擺啲百力滋和零食入個 tuck box,望住張相啲回憶番哂嚟!

資料圖片,來源:Francois Van @Unsplash

資料圖片,來源:Francois Van @Unsplash

8. Boarding school 嘅老師和同學通常都係以 surname 嚟叫我們,每年總會遇到特別多 Baker、Worthington、Creedy,就等於香港有好多陳同學,韓國就周街都係 Kim 一樣。

9. 當時的科技不及今天發達,掛住屋企人或者香港朋友都唔可以 Skype / WhatsApp Call / FaceTime,只可以入銀打。

10. 入銀打電話番香港貴到飛起,一鎊講得一分零鐘,差唔多成十幾蚊港紙,駁到同屋企人講得嗰幾句,講完又要再入錢,但當時一鎊已買到三條 Mars Bar。

11. 無錢又急住打電話番香港時,就可以用 collect call。只要打 0800 89 0852 去 call center,輸入對方的電話號碼,受話人接受後就可以開始通話,然後電話費就會由對方俾,呵呵。

資料圖片,來源:Marko Pekić @Unsplash

資料圖片,來源:Marko Pekić @Unsplash

12. 學校提供的食物大多是油炸食物和重覆的 menu,例如 fish and chips、jacket potato、roasted chicken、baked beans。英國人大愛薯仔,除了焗薯,仲有炸薯條、烤薯粒、薯蓉……層出不窮。總之,除了薯仔都係薯仔。

13. 香港早期有一批新界人移居英國發展,他們在各地開餐館,賣唐餐。當你在天昏地暗的英國過寒冬,思鄉嗰陣就可以去當地酒樓食點心和廣東菜。時移世易,今日華人餐館已經越來越少廣東菜,取而代之的是川菜。

14. 依家英國越來越多中餐館開埋 K 房,極受中國留學生歡迎。音樂資料庫相當齊全,MV、純音樂版、現場伴奏版,通通都有,分分鐘仲 update 過香港的 Neway。

15. 最鐘意就係落堂之後同一大班同學一齊喺 common room 食嘢傾計,boarding school 孖寶:芝士煙肉 toasties,加杯 milk 簡直係當年人生最幸福嘅事。又或者同啲 friend 嚟個 Pizza Night,一邊食 pizza,一邊睇電視,仲 chill 過 Netflix 啊話你聽。

16. 我讀書既年代未有 wifi,laptop 亦未普及,而 common room 只有一部電視機,要同其他人 share,所以要好難會睇到自己想追嘅電視劇。可能今日睇到《Top Gear》,又要唔知等到幾時先可以再睇。

17. 每間學校對不同年級的稱呼都唔同,有啲叫 Year 9,有啲叫 Year Upper 4,又有 Lower 4,你永遠唔會知對方究竟係讀幾年級,好混亂啊。

18. 小食部係最令我留連忘返的地方,得閒就會去睇吓有無新出嘅糖果同朱古力,KitKat、Cadbury 和 Mars 都係我最愛。

19. Boarding school 嘅男仔相處之間有一種溝通方式叫 banter,即係 to talk in a playful or humorous way,有時會笑下你,個個都好玩得,有種男仔之間嘅 bromance。

20. 如果以上嘅經歷似曾相識,證明你已經有番一把年紀。在英國寄宿學校的生活有笑亦有淚,除了學自立,更是學做人,當中的經驗終生受用。

 

原刊於 Britannia Study Link