立場新聞 Stand News

全部都係雞年廣告

2017/1/23 — 14:19

雞年將至,賀年廣告出爐,作者指:「確確實實,雞全部都係雞」。

雞年將至,賀年廣告出爐,作者指:「確確實實,雞全部都係雞」。

雞年快到了,食品、禮品之類的賀年廣告都陸續出爐,確確實實的「雞全部都係雞」。

美心MX率先在網上以「SIR滑雞」來「SIR(瀡)滑梯」,象徵他們的去骨海南滑雞飯又滑又嫰又juicy,配上純正英國口音的英文大師蕭sir的聲音演繹,簡直好似滑到睇到又聽到。好味與否?老實說我仍未去試。上星期,又收到一大盒速遞,拆開一看,原來是朋友送來一隻巨型鐵皮玩具雞,樣子就跟小時候那個小小的、上鏈後會蹦蹦跳的玩具雞一模一樣,只不過size就比它大十倍。這個又是美心的出品,取名「美走雞」,內裏裝滿了曲奇餅,幾得意又好意頭。做擺設,算不錯。

麥記都有應下節,推出了「大雞大利」輕鬆小熊系列的款式,同時亦加演一個「招財雞堡」。其實大家都只不過是找個藉口,送上祝福之餘在新年催谷一下生意。

廣告

新年要送禮,好多人都會聯想到那些大路又大賣廣告的品牌,如藍罐曲奇,今年用了張繼聰,同香港人齊齊過關之餘,再打着一個「97%人過年都鍾意送」的口號,賣點自然是popularity及top-of-mind choice。唔知咁啱還是有心,白蘭氏雞精今次就用了曹星如,叫人唔好再送一些會被轉送別人的賀年禮物,要送,就送「好精神,送畀香港人」的白蘭氏。

昨天又剛剛看到一個保險廣告,都幾搞笑,自去年FWD用林敏聰、鄭中基以來,這個品牌也相當出位,今次又繼續搵阿聰模仿政府新聞處提醒市民不要輕信騙徒,即那個在街上問妹妹借手機用、問阿婆攞啲首飾幫全家祈福的宣傳廣告。叫人不要再得個「祝」字,祝人平安之餘,FWD會在今年過年送新春保,保平安。

廣告

連TVB的賀年廣告都推出逆市套餐,播好多次仲連手機都睇到云云。我就真的不知道這些各式各樣、大大小小又氾濫的賀年廣告,當中的祝賀套餐,對於品牌及產品到底有幾多效益。要在當中突圍,的而且確要度條好橋。距離過年不到十日,不如大家拭目以待,看看還有甚麼高手、奇招可以殺出條血路。

發表意見