立場新聞 Stand News

公司越大 飯桶越多

2015/7/31 — 13:09

公司越大,飯桶越多,政治動物也多,避無可避。好人講原則,壞人講利益,所以要識玩。 ( 圖:candidcuisine.net )

公司越大,飯桶越多,政治動物也多,避無可避。好人講原則,壞人講利益,所以要識玩。 ( 圖:candidcuisine.net )

高高高層朋友面對工作麻煩,Whatsapp求助,問道於盲,我咁樣答佢:

公司越大,飯桶越多,政治動物也多,避無可避。好人講原則,壞人講利益,所以要識玩。

以前當做遊戲一部份,用平常心鬥智鬥力,技術擊倒呢啲麻煩友,其實幾好玩,但係嘥時間。

廣告

𠵱家專登令所有人知道,千其唔好攪我,因為我隨時發作,癲起上嚟,連自己都驚,唔會畀面任何人。

對付高級廢人,可以採取「不合作」姿態,可以唔理就唔理,一定要回應嘅,就一句起兩句止,真係殺到埋身,就同佢死過,要令班友仔明白,你唔係好惹,可以隨時見到、聯絡到最高負責人,等佢哋投鼠忌器。但係如果騷擾嚟自最高負責人,咁就要把握機會,令佢明白自己嘅實力、貢獻同埋金錢買唔到嘅尊嚴,隨時可以執包袱鬆人,當佢知道你不為名利所動,反而忌你三分,講說話都會客氣啲。如果情況繼續,只有選擇走人。

廣告

故意隔日回覆你,因為好多問題,瞓醒之後,有時唔見咗,唔同咗,或者細咗。

******

如果朋友見到呢段文字,希望佢唔好見怪,我淨係想話畀低級過佢嘅人知,其實,唔理乜嘢職級,一樣會遇到好多唔同嘅麻煩啫,學下體諒人哋,順便分享吓我嘅處理方法,希望對佢哋有啲啲幫助。

 

刊於莊偉忠facebook

(標題由編輯所擬)

 

發表意見