立場新聞 Stand News

前嘉道理農場木匠師教路 如何將倒塌樹幹造成凳

2018/9/22 — 11:02

(圖片來源:木民 facebook)

(圖片來源:木民 facebook)

【文:木民】

上堂嘞~

回想那些年在嘉道理擔任木匠師的日子,日常處理得最多的就是善用農場內倒下的樹幹,保留了木紋的美,做成一張又一張的樹凳。

廣告

若大家近日拾到一些樹幹,不知如何處理是好,大家不妨可參考我們累積的小小小經驗,加上各方民友的提點,積少成多, 聚沙成塔。

第壹步:邊種樹幹較合適做樹凳?

廣告

或者咁講,香港有唔少相思樹,佢嘅硬度密度也較高,適合做樹凳,連樹皮或唔連樹皮也可, 如果唔想要樹皮,只要待風乾後就會自然剝落, 最重要係唔好心急,係耐性呀!相反相思樹就唔係咁適合做餐具,因為實在太硬了!

另一種常見樹木係宮粉羊蹄甲或者洋紫荊,呢兩種樹又唔係咁適合做樹凳, 因為密度相對較低。另外可考慮吓紅膠木,甚至一啲可能不知名的樹幹,我們會先檢查樹的密度及闊度,覺得合適的也會先把他們留下來。

第貳步:飛沙走石+除蟲

先清理樹幹表面的沙粒及污漬,然後檢查樹幹表面有沒有小窿及小蟲,有或者無其實都建議以環保防蟲噴霧( 千祈不要用殺蟲水呀!要有常識呀) 噴一噴表面即可。

樹凳
(圖片來源:木民 facebook)

樹凳
(圖片來源:木民 facebook)

第叁步:靜待樹幹風乾

千祈唔好以為呢個步驟好簡單,其實係最考功夫、最考耐性嘅。如果環境許可的話,我們會建議先讓樹幹晒晒太陽, 晒得嚟要時不時轉下角度, 唔好只晒一面, 如果唔係就好易爆裂。晒幾耐?我們的經驗係不多於一星期。 接住就可以擺喺陰涼嘅地方靜待風乾, 樹幹切面最好不要直接接觸地面,可稍稍墊高有助通風, 橫直交替地移動, 咁就可以比較全面地風乾。

第肆步:執生

係真嘅,唔同樹有唔同嘅收水進度,所以呢, 你要用你嘅愛心定期去睇下佢、關心吓佢, 一路留意住佢嘅進度。 我們試過最快嘅一個月便完成整個收水過程,而相思樹幹呢, 就平均要4-5個月。

補充吓: 塗唔塗白膠漿?

我哋嘅做法係, 塗上稀釋咗嘅白膠漿去保留樹皮, 如果唔留樹皮其實係唔需要㗎。

#呢堂講住咁多先 #一齊行多一步 #樹凳 #木民 #有輕微裂紋係正常嘅

(原文刊登於木民 Facebook。文本無題,現題為編輯所擬)

發表意見