立場新聞 Stand News

取捨

2016/5/21 — 9:11

配圖:用老山羊書法尖鋼筆試寫

配圖:用老山羊書法尖鋼筆試寫

一位學生發給我的 Facebook Message,讓我深深體會教學的意義與樂趣。

事緣我今周一開始,晚間重返中大校園教暑期 Semester 的 Marketing 課程,開首第一堂,我例必講我的古怪規矩:

「我唔會 Take Attendance 嘅,我相信若果你地覺得我嘅課堂對你有啟發,你地自然會嚟。

廣告

你地亦唔需要因為有事唔能夠上堂,或需要遲到早退,中途離開課室,而怕我唔開心。因為我對自己教學,有一定嘅自信。更重要嘅係,我認為讀大學各位首先要學嘅,係對自己嘅時間使用作取捨。

讀中學時,你地永遠被教導要死跟住學校時間表,習慣時間由別人安排,學校一直對你地灌輸服從嘅概念。倒模一樣,千篇一律。

廣告

但如今你地入到大學,對好多人嚟講,係人生首次要為自己計劃時間嘅機會。你地就要學懂為每一分鐘,衡量做乜嘢事最重要。人生有太多重要嘅嘢:家人、愛侶、工作、事業、興趣、玩樂,唔同時間有唔同嘅 Priority,唔同時間各項事情嘅重要性亦會轉變。

若果上我堂撞正要你要見一份心愛嘅工,你應該馬上去。

若果上我堂撞正你心愛嘅女仔生日慶祝,你應該狗衝去。

最多之後自己睇書追番。」

XXXXXXXXXXXXXXXXXXXXXXX

昨晚,我收到一位女學生的 FB 訊息:

「你好呀,我係你一陣新亞書院上堂既學生。

雖然你話今堂好重要,我掙扎左好耐,諗起你上次話取捨和時間管理。

我最後去左醫院睇唔知係咪有緊要事既嫲嫲。

唔知可以點聽返你話今日好重要既內容,但聽你講取捨之後,我決定去醫院。」

XXXXXXXXXXXXXXXXXXXXXXX

我高興到想標眼水。

馬上回覆那位孺子可教的學生:

「我下周一課堂休息時幫妳上雞精班,讓妳不用錯過今日的精華,作為妳學懂取捨的奬勵。」

 

原刊於作者facebook
 

發表意見