立場新聞 Stand News

各位 Marketer 手上籌碼同選擇 其實所剩無幾

2016/10/17 — 12:22

題材為廣告行業的劇集《廣告狂人》一幕

題材為廣告行業的劇集《廣告狂人》一幕

#廣告迴響:回應 【100 毛現象】(看本文前請先看 孖劇亭 相關文章)

「孖劇亭」講緊嘅論點雖然好有親切感,但我睇完之後又覺得講唔出啲咩大道理。

Marketing 101應該好多行家讀書嗰時都做過功課,呢啲基本功喺未來可見日子仍然有價值。

廣告

不過實質操作上,幾多時候能夠拿緊條尺呢?

莫講話100毛,就算100毛未出毛嗰陣,不少brand都習慣做蕩婦,姣婆守唔到寡是常識吧。

廣告

任你個Brand personality、brand bible寫到幾神聖不可侵犯都好,總會「良夜美景沒原因出了軌」,sorry,其實有原因的:

1. Marketing或更高層換屆:講到底,新官上任,總係睇唔順前任工作,然後一句「俾我就唔會咁做嘞」,即時拍板換agency,又試吓「rejuvenate」個「brand」,想點改就點改(你睇Tim Cook都隱約feel到呱)

2. 錢唔夠使:人窮志短,Brand窮失節,而家budget愈cut愈狼,marketer當然想維持原有大大大大 brand格局,不過又好想agency減半價或三折大酬賓週,agency睬你有味,於是大brand十幾廿年來勾三搭四搵艇食散餐從不腳軟,姣婆個性堅決到底,brand bible放到最底。

3. 鐵不成鋼:問心,近十幾年4As廣告人才幾多出走自立門戶,就算4As留得下燎原火,客戶也只當作「殘兵」,何況燎原火本來就不多,客戶哪會「尊重」廣告人的「專業意見」?通常只會指指點點當作奴僕使喚,在惡性循環之下,有料又有志氣的廣告人出走,4As廣告公司越見凋零(不如順便埋單計吓呢三年執咗幾多間4As?),於是,即使真係有大型brand campaign任務,agency交出的貨也可以「不堪入目」,既然如此,將budget分拆上市,姑且將一個九唔搭八campaign冠名為「tactical campaign」chur一浸conversion先啦⋯⋯

4. 始終要講100毛:4As 久延殘喘,TVB神話破滅,改朝換代勢在必行,喺呢個時間忽然殺出一個集氣度極高嘅100毛,品牌主理人其實有幾多選擇?好,一於「有錢都唔落100毛、專注品牌形象建立」,然後過幾個月,CEO問你「點解好似個cost effectiveness咁低?」,你即刻話「其實可以推一個tactical campaign」然後又搵100毛報價⋯

利申:已經少睇100毛片,亦覺得個別廣告唔係好中,只不過覺得,marketer手上籌碼同選擇,其實所剩無幾咯。

作者:Tom Chung

 

==========
本版歡迎投稿,歡迎將文章連同配圖inbox 至本版,謝謝!
不想錯過本版文章,可以click本版like掣 -> edit notifications -> 剔選所有Post嘅類型 ( Photos、Videos、Links、Status Updates)
加入廣告狂人吹水谷
follow 廣告狂人instagram

原刊於作者 facebook;標題為編輯所擬

發表意見