立場新聞 Stand News

咖啡士多佬

2019/2/8 — 14:41

廉政公署宣傳片截圖

廉政公署宣傳片截圖

先祝大家豬年豬籠入水,珠光寶氣,諸事亨通!

廉署之所以咖啡出名,前輩解釋係因為廉署出動大多在清晨時份。之前有文寫過為何老廉通常都「零六零零 op」(6am 出動),主要係因為廉署調查未必一定拉人封艇,更多時係查清事實,還事主一個真相公道。如果在對方工作地方找人,難免會惹起太多不必要聯想,當然是趁其在家還未出門最好。如果等對方放工先搵人,調查時間稍長又阻礙對方休息,更有「唔比瞓覺逼供」之嫌。所以最好方法,依然係趁早。

咁對方早上 7 點就被「邀請」到廉署總部,為咗各方可以抖足精神,當然最客氣就係送上一杯熱咖啡。

廣告

另外有位綽號「例爆」嘅阿 Sir — 阿 Sir 之所以「例爆」,全因無咩邊個犯過佢手唔會將事實一五一十全部爆出 — 曾經教路話,對付疑人,必須先與其建立 rapport,雙方建立互信,咁對方先會認為將事實全部供出,即使會指證自己,都好過隱瞞或者唔講。而建立 rapport 嘅最好時間,就係雙方坐低,一齊嗒咖啡嘅時候。

另外,我以前做過 A 組(查警察)時,前後左右幾組都好多人好鍾意飲咖啡,而且對咖啡要求好高。 我哋會夾錢叫相熟嘅咖啡室沖一壺送來 office,十幾人分,做到頭暈時可以鬆一鬆嘆咖啡,不同組嘅同事更可以聯誼一下,交換情報,係一個相當有趣嘅場面。哩間咖啡店隔籬賣果汁,筆者有個特別愛好,就係鍾意點「多多」或者「芒多」(士多啤梨汁 + 益力多,或芒果汁 + 益力多),效果出奇地好飲,好多同事試過返尋味。大家有機會試試。

廣告

 

作者 Facebook

發表意見