2016/11/7

人大第五次釋法

2016/11/7

2016/6/16

林榮基勇敢說真相 爆中央拘押手段

2016/6/16

2016/12/2

政府入稟覆核四議員資格

2016/12/2

2016/12/6

申訴專員指政府阻網媒採訪投訴成立

2016/12/6

只需每月贊助$200

守護言論與新聞自由

立場新聞,寸步不退

守護言論與新聞自由。立場新聞,寸步不退

每月贊助$200,支持立場新聞

7
立場新聞 Stand News

哪一天我們會飛

2015/11/9 — 20:37

《哪一天我們會飛》海報

《哪一天我們會飛》海報

呢篇主旨係想屌《哪一天我們會飛》張海報。

放心,無劇透。直到最尾。



---

我上星期六睇咗《哪一天我們會飛》,套戲好睇,值得一睇。

廣告

不過,我原本無諗住睇,因為,

「張海報太turn off。」

廣告

我講多次:

「張海報太turn off。」

乜嘢年代咧?可唔可以再老土啲?楊千嬅搭林海峰,兩張大頭襯藍天白雲backdrop?兩個夾埋成九十歲(FYI,林海峰已經48歲、楊千嬅41歲),仔都生兩三個,邊做勵志青春陽光片?藍天白雲,充滿小清新氣息,又有邊忽似中年危機片?有朋友話以為係N年前商台天空小說翻拍。如果唔係楊千嬅個頭行先,我以為係彭羚同林海峰推出《是但o翕發花癲夫妻團圓版》。又或者係古巨基嘅《藍天與白雲2015年合唱版》。

兩三星期前已經喺地鐵有呢張海報,大大張,佢哋兩個個頭,隔成百米都見到。一個站見到兩三次,周圍都係頭,心血少啲都畀佢嚇暈。責任主編問我睇唔睇,我同佢講:

「我唔中意林海峰,亦唔喜歡楊千嬅。」

電影公司嗰啲人係點諗?(淨係話佢哋有啲唔公平,最後做決定應該是金主老闆掛)楊千嬅 + 林海峰,一張大頭海報?楊千嬅……ok啦,之但佢係咪有叫座力呢?你會唔會聽到話「呢套戲由楊千嬅主演」,增加你睇套戲嘅衝動?林海峰喺電影界乜叫座力......林海峰喺電影界有叫座力?are you kidding me?佢幾乎套套都係配音,上次堅擔正,係徐子淇仲喺靚模時嘅《誤人子弟》,嗰陣我仲讀緊中學,而家徐子淇已經係N個子女嘅阿媽咧!點解佢哋認為呢張海報可以吸引到人入場?

我鳩吹無用:《哪一天我們會飛》首日票房(上星期四),25萬港幣。上咗院幾星期嘅《我的少女時代》,同一日嘅票房係49萬(累計3,300萬)。用乜嘢指標嚟睇,同唔同人比較,《哪一天我們會飛》都可以叫幾乎仆直啦,對不對?

點解我後尾睇咗?有睇咗朋友話,原來三個新演員先係主角……即係,張圖右下角嗰三位好細粒好細粒嘅嘢,佢哋戲情不比楊林二人戲份少。幾好笑嫁,即使張海報老練咁大,嗰幾個新演員夾埋仲細過林海峰個耳仔。唔信你去地鐵望望。

入場,係因為嗰三個新演員,同埋我以為楊同林無乜戲份。而新演員搭黃修平,喺《狂舞派》算不錯。喺香港,你甘心付錢支持嘅地道嘢,已經無乜。黃修平,ok;游學修,學舌鳥, ok,Cecilia So,啲相好靚。再睇埋司徒夾帶條片,好,兩張飛,我畀。

香港人係咪仲沉迷大明星?你睇下尖沙咀地鐵,某賭場一排排嘅迪卡比奧、羅拔迪尼路、畢彼特仲有跟本無乜人知佢乜樣嘅馬田史高西斯,你就知呢啲金主同有錢佬幾咁沉迷大明星,super star. But it’s fucking bad taste.

戇鳩的嗎?你當觀眾傻仔嗎?《狂舞派》嘅成功(睇之前你識顏卓靈、BabyJohn嗎)、未有《那些年》、《我的少女時代》,有幾多人知邊個係陳妍希同王大陸?人哋套戲,成張海報,原本你一個名都講唔到,到最尾每個名紅遍大中華;而家你放個老人家落去,整張海報整成咁,幾乎趕客,想點?(近期仲有達哥/jolly shandy張平面海報。Photo/design大佬呀!達哥唔靚仔,你妒忌佢都唔使咁跣佢畀張大頭佢,仲要幫佢個咀唇太到黑一黑陰影呀!)

你以為呢啲叫穩陣?你海報做嘅嘢(偏重大明星、矮化新演員)咪同你套戲嘅中心思想(講理想、要畀希望年青人)相違背囉!呢啲咪叫拍一套、做一套囉!咁你點叫人入場呀? 

港產片唔靠word of mouth,無得做。你賣到全地鐵沿線都係楊千嬅都冇用。仲有,唔怕貨畀貨:《那些年》、《我的少女時代》,淨係一首主題曲,已經喺marketing上慳水慳力,係宣傳上跑贏好多。你可以當想,如果《那些年》無咗胡夏首《那些年》,震撼力會減差幾多?我呢兩星期喺kkbox loop咗三千次Hebe首《小幸運》。人哋老土嘅嘢,唔中意咪唔好學;人哋好嘅招數、搵到錢,好咪嚟拎嚟用。

我從來無懷疑《哪一天我們會飛》係一套有血有肉嘅好電影。但有好電影、台前幕後花咗咁多心機,老闆們唔好乜都要渣旗,信下人整張好海報(或者畀錢叫人整張貼題啲嘅),搵人作首唱首煽情嘅主題曲。

呢個世界好現實:有人睇,你先有得繼續做落去;票房仆直,更偉大嘅夢想就唔使旨意諗落去。

總結:幾個新演員做得好好,我無失望,呢套戲值得一睇。不過,楊千嬅嘅戲份依然好重,係新演員+林海峰嘅總和。林海峰好林海峰,佢喺《哪一天我們會飛》有一場非常出色嘅戲。之於楊千嬅,算罷啦,我對佢有偏見,唔畀任何評語。


───以下有劇透───
───以下有劇透───
───以下有劇透───
───以下有劇透───
───以下有劇透───
───以下有劇透───
.
.
.
.
.
.

唔好話我淨係識批評,只要用同一張海報設計,楊千嬅變咗Cecilia So、林海峰變咗游學修、再加埋蘇博文(吳肇軒演)(all in school uniform),一樣咁嘅角度,個頭縮細啲,向另一邊望;另一張係楊千嬅+林海峰+蘇博文(all in school uniform)。兩張海報拍埋,一班人望左、一班人望右,成件事已經唔同晒。

起碼,張海報同劇情真係有關-只有死嘅人嗰樣先無變。

屌!林海峰場場戲嘅背景都係暗暗沉沉(除咗後尾嗰兩幕),海報嘅藍天白雲,關佢屁事咩?

 

原刊於作者 facebook page

發表意見

相關文章