立場新聞 Stand News

在你的世界裡我一個人住

2016/9/6 — 6:17

STYLE-TIPS.com 製圖

STYLE-TIPS.com 製圖

【文:蕭綺蓮】

三十幾,跟父母同一屋簷下,原來不是香港廢中特有的家春秋千禧remake版。路過倫敦機場買了兩本雜誌,一本專題報導倫敦地價高租金貴,中年女子交租給父母已成慣例。以前看《色慾都市》,單身男女年過三十尚住父母家猶如過街老鼠人人喊打;今時今日,另一本雜誌更進一步剖析跟祖父母同住的新潮流。

上期講到極簡主義,跟父母同住要走minimalism路線可是有點難度的⋯

廣告

上一代人成長時大多比較缺乏物質,他們當年的挑戰在於脫貧,於是現在能擁有的都難以丟棄傾向囤積;這一代人的挑戰在於泡沫經濟過度消費,地球和人心都生病了。我們要脫「廢」:過度製造購買繼而浪費造成的廢物、破壞環境浪費及污染自然資源碳排放造成的廢氣、至於充斥社交平台的廢話就不多說了。

搬回娘家有兩大發現:

廣告

一、有很多東西,住在一起就毋需一人一個,可以「些牙」。

吸塵機、梳化、電視機、微波爐多士爐大部份煮食用具及廚具等等等等⋯甚至,其實風筒都只需一個啫。要活得minimal,或許communal living真是一條出路。外國越來越多這種「一起住」的居住模式出現,受夠了鄰舍關係越來越疏離,志趣相投的人建立共同居住的空間,一起own塊田自種自吃,「些牙」廚房浴室輪流負責煮食清潔,資源技術智識分享,聽落好易嗌交,但亦有potential可以好烏托邦。起碼,慳好多。

二、擁有的物件太多(由中一開始冇高過有啲衫仲啱著,死未?)搬了幾十個箱回家,佔用的空間比父母還要多,自己都識唔好意思。

於是首先是捐贈,執好一袋二袋後卻發現阿媽逐袋檢查,然後又話我嘥嘢,又話呢樣嗰樣可能啱呢個親戚嗰個朋友,仲有「呢個袋我一向有借你用㗎!做乜冇問過我就掉?!」(下刪千字)。繼而,當我開始賣二手嘢,阿媽直頭好hurt,「呢啲咁貴咁靚嘅嘢我自己都唔捨得買,你而家鑑平鑑賤賣俾人都唔俾我⋯」(下刪千字加含淚)。左手交右手物件繼續囤積在同一空間,又怎算簡化了生活呢?況且我想將沒用/少用的東西轉化成新的資源嘛!最後阿媽仲要求跟我買下幾件東西,我就算是死女包都未衰到咁。

不過,只要有恆心,鐵柱磨成針,人都居然會變(雖然可能慢啲)。最近阿媽話:「我對新鞋著到腳痛,你幫我放咗佢得唔得?開價$150啦。」改變自己的生活固然好,但能影響其他人就更有意義。像我茹素,雖然家人未能完全食素,但家中每晚的愛心湯已經變成全素湯。好甜。

 

原刊於STYLE-TIPS.com

發表意見