立場新聞 Stand News

【多圖】它很醜但他們有創意 怪相士多啤梨大變身

2018/1/19 — 18:17

圖片來源:twitter圖片

圖片來源:twitter圖片

每年 12 月到 2 月,是日本士多啤梨當造的季節,近日不少網民重推去年築地市場 Twitter 發佈的「士多啤梨品種圖」之外,日本網民更加創意大爆發,為「生得岩巉」的士多啤梨大平反。

貴價盒裝士多啤梨當然好多都排得靚靚,但大家總會遇過生到三尖八角、古靈精怪的士多啤梨。好醜樣咩?生得岩巉唔係錯喎!所謂「情人眼裡出西施」,靚唔靚往往「全在主觀的心,不在客觀的事」。日本網民主觀的心,似乎有不一樣的看法。

近日,不少日本網民於 Twitter 發佈「士多啤梨改圖」,你會發現生得再奇怪的士多啤梨,加少少想像就可以變得可愛。日本網民「むぎ」首先發佈一張士多啤梨改成貓咪的圖,引來 4 萬次轉發,7 萬個心心。創意一發不可收拾,網民拿著同一張相片,改圖為士多啤梨狗、士多啤梨象,甚至士多啤梨美人魚或者獨角獸。

廣告
廣告

讚嘆人家的無窮想像力之際,大家都不用羨慕~凡事只要多花少少心意,你我都可以「見山不是山,見士多啤梨不是士多啤梨」。創意嘅嘢,總是由一個無聊念頭開始~轉念間,岩巉士多啤梨都可以變可愛!

發表意見