立場新聞 Stand News

奇望

2016/3/3 — 13:48

《Samuel Chan 談英國》 Facebook 圖片

《Samuel Chan 談英國》 Facebook 圖片

白手興家的英雄,當然應該受萬人敬仰。累積財富,最難不是由一百萬變一億,最難是由零變一百萬。赤手空拳打出一個天下來,這些人實實在在地做了一件能人所不能的事。

與白手興家相反的,是富 X+1 代,這個品種,大家都熟悉,不多介紹。但原來白手興家和富 X+1 代之間,還有一種畸胎,那就是選擇白手興家的富 X+1 代。

既然是富 X+1 代,又怎樣白手興家?對,確實是很奇怪的品種。混亂嗎?可以這樣想像一下,兩父子的對話,大概是這樣的。

廣告

「仔,老豆畀錢你玩。」我唔要。「你唔要錢,定你唔要玩?」我要錢,我要玩,但我唔要你畀。「Ok,你唔要我畀,我叫阿媽畀。」乸星,我唔係咁嘅意思,我要自己賺畀自己玩。「你想打工?想打咩工,老豆叫啲 uncle 介紹畀你。」仔想了一想,「我要創業」。老豆聽著,忍笑,心諗,乸星,咁咪又係要我啲錢。

「創業好,創業好,老豆畀錢你創業。」我唔要。「又唔要?咁你邊有錢創業?」唔使你畀,不過要問你借。老豆又忍著笑,低頭開了一張支票,一百萬。正想把支票放到兒子手中之際,兒子已經放了一紙借據在父親面前。老豆看一看,不禁驚嘆:「五萬?五萬創到啲咩業?」係難,但借太多我驚我還唔到。

廣告

三年後,兒子放了一張支票在父親面前,要贖回三年前的借據。父親沒有把這筆錢放在心裏,借據一早已不知放到那裏去。父親看一看兒子那張票,十萬元。「唔係借咗五萬畀你咩?」係,另外嗰五萬係呢三年嘅家用,象徵式啫。縱橫商界幾十年,區區十萬元,讓這個父親感動了。

以上故事,加入了一點戲劇元素。但世界上,真有個這樣的年輕人。

一次晚宴,任職 KPMG 的朋友邀請我出席,本來很不想到,幸好最後也去了,不然不會認識到這個年輕人。站在台上領獎的俊朗小紳士,光茫四射。朋友跟我說,幾年前他還只是 home office,之後請了兩個員工,今天公司十多人。

這個二十多歲的年輕人,叫 Samuel Chan,因為這是他的真名,所以他做什麼生意就不說了。但可以帶個好消息給各位女士,他現時單身,係唔係基嘅就不得而知。如果他不是基的,男士也會有得著,因為可以從他學到一個老掉牙的道理。

Comfort zone 裏面,環境幽靜,空氣清新,最適合等死。Comfort zone 裏面,要乜有乜,就係搵唔到兩樣嘢:機會和奇蹟。

發表意見