立場新聞 Stand News

女生外向

2015/11/1 — 11:02

梁齊昕與母親梁唐青儀 (蘋果日報片段截圖)

梁齊昕與母親梁唐青儀 (蘋果日報片段截圖)

女兒昨晚萬聖節風頭一時無倆,給母親醒了一記耳光。呢一巴,好多香港人好想打,但冇機會打,就算有機會都唔敢打。作為女兒,竟大義滅親,幫香港人出了這啖氣,實在太值得記念,香港從此應把萬聖節列為公眾假期。

萬聖節其實好多嘢可以扮,例如兔女郎、美少女戰士、Catwoman等。女兒最後選擇扮「鬼」,還要是一隻殺氣超強的厲鬼,似乎是命中注定。命中注定她要大鬧蘭桂芳,命中注定母親要送她上的士。阿媽想送個女一程,失敗咗,仲要畀個女摑一巴。名符其實係,想送個女一程,點知畀個女送一程。如果唔係扮鬼扮到咁似,呢幕「做鬼都唔放過你」又點會演到咁迫真?命中注定的。

《蘋果日報》沒有報導女兒上車後說了什麼,我回帶聽咗好多次先聽到女兒同個鬼佬 bouncer 講啲乜。女兒說:This mom is not my biological mother,即係呢個阿媽唔係我親生阿媽。雖然明知你講假,但聽到你連阿媽都唔認,香港人堅 high。

廣告

Trick or treat?阿媽揀咗 trick。夫人,HAPPY HALLOWEEN。

廣告

發表意見