立場新聞 Stand News

專業才是必殺技

2016/1/21 — 11:36

前幾天果籽有篇報導,講述經歷父子兩代前後半個世紀的補鞋匠,單睇其幾十種嘅補鞋工具及機關,已經令人唧唧稱奇。(資料圖片)

前幾天果籽有篇報導,講述經歷父子兩代前後半個世紀的補鞋匠,單睇其幾十種嘅補鞋工具及機關,已經令人唧唧稱奇。(資料圖片)

市道下滑,生存之道,在乎比人精,比人更有要求、到位。市道好景,冇人得閒同你拘泥於小節,例如,有冇諗過,𠵱家連商場個廁所沖舊廁紙㸃解要沖兩次先沖得去都要畀人投訴。又或者買完嘢,冇人幫你挽袋送出門口兼連聲道謝,都會覺得招呼不周。

所謂做得專業,不論行業、不論身份、也不論賺錢多寡,都在乎「精」、更在乎「達」。今時今日,仲有一些專門賣CD、DVD的小店,你會奇怪,乜𠵱家睇戲煲劇,唔係上網睇嘅咩?唔講你可能真係唔知,那些經營者,佢哋好似做政府電檢,你想揾咩戲,search by 國家、戲名、男女主角、片種、心情、再加埋顧客口味、喜好、甚或癖好,佢哋都瞭如指掌。就好似擁有一個龐大的人肉資料庫,隨時要啲乜,就可以Click 一Click,即刻Load 晒出嚟。

廣告

前幾天果籽有篇報導,講述經歷父子兩代前後半個世紀的補鞋匠,單睇其幾十種嘅補鞋工具及機關,已經令人唧唧稱奇。亦有做地道美食猶如雞蛋仔,做到大排長龍,要數低調高手。做燒鵝做到米芝蓮,有一樂燒鵝、甘牌燒鵝,取得一星之後,有麻煩友質疑其服務差勁、意圖唱衰,老板娘氣定神閒、不卑不亢咁解釋道,我哋係食物一星,冇講過係服務一星……賣衫褲鞋襪嘅,致勝之道,尤其係零售業咁差嘅環境,就更講求Mix & Match的本領,個客要試牛仔褲,你就單憑短短觀察佢嗰十秒,估計佢嘅品味及style,畀埋件上衫、皮鞋佢去襯返條褲,希望佢會買褲之餘,順手執多兩件,當人流明顯少咗,增加ticket size 就係另一條出路。

有一次,有個朋友去光顧一個商場嘅廁所,正當準備小便一刻,背後突然傳來清潔伯伯一陣溫馨提示,「唔好意思,唔該可唔可以行前一步?」(事情發生在男廁尿兜前)。你可能會覺得佢好冇禮貌,然而,切勿忘記,保持廁所衛生,正是佢工作的一個首要要求。

廣告

 

原文刊於蘋果日報作者博客

發表意見