立場新聞 Stand News

小學生都要學醫學物理,係咩玩法?

2016/11/16 — 9:45

(資料由客戶提供)

香港學習壓力大,人人都知。返學默書測驗考試永續無間,甚至預測到聽日放風假,學校今日就俾定十幾樣功課,唯恐學生獨留家中就會荒怠學業,同時學海遼闊無邊,唔好以為放學就可靠岸,琴棋書畫興趣班一班班等你上;咁都未算,最近在坊間仲見到一個活動宣傳,有機構即將舉辦一個專為小學生而設的大型綜合醫學同物理學工作坊,望埋主辦機構個名:NOBEL academy,嘩,唔通香港的小學生,年紀輕輕就要鋪路準備日後爭奪諾貝爾獎?

落任何判斷前,都要先做功課,無憑無據就去抨擊質疑,對個世界都無咩幫助,睇下活動簡介,工作坊的導師係由本地多間大學的學生同畢業生擔任,專誠為小學生度身訂造同醫學、物理學相關的活動,新聞稿是咁寫的:「透過各種理論、遊戲及手作實驗等,作出深入的探究,燃起他們的學習動機及興趣」,咁...即係有咩做呢?

廣告

睇番主辦單位一條類似工作坊的Trailer(https://www.youtube.com/watch?v=UZdJGszhZbQ)幾個小朋友在導師指導同幫助下,落手落腳去做一系列唔同的實驗,其中一個實驗係要小朋友唔可以直接用手、唔可以用鉸剪等利器,就要開到一包薯片;小朋友為咗食薯片,即刻極度雀躍密謀對策,後來導師俾貼士,叫佢地首先將包薯片放入真空罩,再不斷將入面的空氣抽出,抽到一個位薯片袋就會自己打開,搞咗咁耐,原來係想透過簡單實驗,俾小朋友感受下空氣壓力變化,了解下物理學有關空氣壓力的原理。

廣告

再睇其他遊戲,都係走生活化的路線,例如有關「醋蛋」的實驗,道具當然就係雞蛋,雖然時下的小朋友未必個個入過廚房,都唔肯定佢地有無掂過雞蛋,而呢個玩意就係將雞蛋長時間浸在白醋入面(長時間係指四五日或以上,由於時間關係,道具都係一早準備好晒),之後雞蛋就會變得奇韌無比,任掟唔嬲,背後原理就係蛋殼入面有層卵膜保護住,令到隻蛋充滿彈性云云,睇落小朋友都覺得好驚奇。

單睇活動內容,如果以遊戲實驗為本,照計點都好過死讀者、讀死書的課餘活動。話說剛才同小朋友玩Gabrielle同Carman,兩個都係來自本地大學,多年來都浸淫在本港學制入面,見證過好多刻板乏味的教學,點樣迅速兼有效消滅大家的學習興趣,其中在科大讀化學的Carman話,社會一直鼓吹背誦,學生承受住極大壓力,所以自己鍾意用好似醋蛋同薯片等生活例子教學,希望引發到小朋友的好奇。

Gabrielle就係科大物理學畢業生,本身好鍾意教育工作,以前去過俄羅斯、印度、泰國、台灣同緬甸等唔同地方做義工,對於點樣教小朋友,自己都有一套心得,佢話醫學同物理學只係「睇落好艱深」,細心留意的話,其實同日常生活大有關係,只要用啱方法,就可以勾起到小朋友的興趣。

她仲話今次的導師團入面,部分成員過去都參加過坊間其他科學教學活動,發覺好多機構只係偏重活動結果,例如核心要求就係小朋友參加活動之後,會有一件半件製成品拎得走,而佢地今次最想做的,就係點燃小朋友心底入面的求知欲,日後無論在課堂上又好,在生活中又好,都可以更加留意身邊環境,多問問題、多加思考。

呢個專為小學生而設的大型綜合醫學同物理學工作坊,將會在12月底發生,想知更多的話,可以自己睇下呢條Link;除咗家長自行報名之後,NOBEL academy仲會額外提供免費名額俾全港小學,校方負責推薦學生參加,家長們都可以向學校了解下。

 

 

發表意見