立場新聞 Stand News

少女時代正式滅亡……

2017/10/13 — 19:01

《少女時代》官方宣傳照

《少女時代》官方宣傳照

萬一你唔知,其實我係韓國女團「少女時代」嘅fans……起碼係過兩三年。我有本小說個女主角叫秀英,夠痴情(同戇鳩)未?直到而家,我都仲幾中意Yoona同秀英,至於少時整體呢…...出新MV,就算首歌幾難聽,啲舞幾核突,我依然會睇兩三次。算長情啦......

今晚睇新聞話秀英、姣到出血嘅Tiffany同徐賢退出SM Town(少女時代所屬公司),真係悲喜交集……

--悲嘅係,少女時代居然仲快過香港玩撚完。

廣告

我只能講,少女時代八個人集合嚟計嘅威力,係大過八個人個別嚟計。即係,啲人成日講嘅synergy, clustering effect,喺團體組合最常見。但因為喺一個團體度,好難量度自己嘅貢獻,結果啲隊員往往以為個團嘅成功係靠自己,出去單飛嘅成績會好過一齊做然後份糧除開八份……結果全部人單飛,全部仆晒街,加返起嚟同做女團嗰陣爭好遠。即係,徐賢出去一個人做,分分鐘仲衰過喺少時做苦差分返一份。有時大家太高估自己嘅能力咧。

我知,少時未滅亡,因SM Town極極極可能會keep住少女時代個名。不過,唔會有機會集齊九個復合上台演出,即係雖生尤死,得個空殼,植物人咁。咁睇,情況又同香港一模一樣,又話者同Beyond類似-嗱,Beyond都冇話解散嫁!但你要家強同阿Paul兩個同台?得!喺ViuTV MMA嗰台囉(背景音樂龍小菌:我~~赤手空拳去打一場硬仗打一場硬仗~~)。家駒當年一句「今天只有殘留的軀殼~~」真係一語成讖、一語成讖呀!

廣告

不過,又唔排除少時班女仔到六十歲、無錢淨、離晒婚仔大女大嗰陣會嚟個大合體每年cap一兩次錢,你估喺香港草蜢呀、太極呀呢啲見得少咩,而家爭夢劇院,Face to face同劉以達與夢未復出嚟渣。

-喜嘅係,我幾年寫嘅幾篇有關少女年代嘅文,今日應驗了:

//2012年1月:「女子組合既活躍壽命最多11年,之後都係似植物人咁名存實亡 (除非你覺得Twins 仲好活躍)。大時大節,春秋二祭或者結婚周年紀念,佢地就會出黎復出唱下歌咁。」//

(原文2012年1月http://relgitsjg.xanga.com/2012/01/30/1255/

今年係少時成立10周年,唔過11年。唉!!!!!!!!!!

當時仲寫咗另一篇,話少時已經走下坡。到今日宣布滅亡,最令我唔開心嘅係Yoona同秀英到今日都未肯同我嚟個雙飛,他日佢哋唔同公司,雙飛機會更加渺茫。你幾時見到楊千嬅會去謝安琪演唱會做嘉賓?

最後,我好少喺自己嗰page打飛機。今日,少女時代滅亡,悼念又好,演嘢又好,畀我打一次,最後一次。

少時文章系列傳送門:

女子組合的起與落
Mr. Taxi 是如何煉成的?
終於有人(幾乎)煉成了Mr. Taxi
少女時代的終結

(唔好屌係輔仁連結,大佬,得佢齊我啲文,有啲連我自己都冇呀。哈哈哈哈哈哈)

另,唔好屌錯別字了。無心情謄文。

──────────────────

不要問,只要like,仆街史兄的專頁同IG。
Facebook : https://www.facebook.com/Relgitsjg
IG (主要用嚟睇女仔) : https://www.instagram.com/iamuncleshit/
Project HK 專頁:https://www.facebook.com/PROJ.HK/

發表意見