立場新聞 Stand News

少林足球之深水埗藍山咖啡專門店

2015/3/8 — 10:13

嗱嗱嗱!門口就係咁架喇,你信唔信佢係賣藍山咖啡吖,真係好奇妙。

嗱嗱嗱!門口就係咁架喇,你信唔信佢係賣藍山咖啡吖,真係好奇妙。

咖啡來說,我較喜歡飲虹吸或蒸漏咖啡,不過在香港一杯好的虹吸及蒸漏咖啡很貴,我唔捨得飲,因為我飲嘢的速度太快,五六十蚊細細杯的虹吸咖啡幾十秒內飲哂,實在太奢侈吧!

昨天同樣喜歡飲咖啡的朋友,推介我去一間深水埗一間店,他說:「啲咖啡好得,但呢間店只得三張枱,你哋都係外飲好啲,因為平時下午佢係賣蒸飯和公仔麵的。

佢有好多種類咖啡,仲要係虹吸既,即使係藍山都係廿幾蚊杯,其他單品咖啡如巴西山度士、萬特靈這些只係十幾蚊杯,質素好過 Pokka 。平時這區的人好少買咖啡,店員係三個阿姐,佢哋見我買藍山咖啡,都會好開心,因為有人欣賞佢哋啲咖啡。」

廣告

佢講到呢間店咁搞笑又隱世,今天忍唔住要去試吓,招牌寫住藍山咖啡專門店,但格局就係類似一間良友的小食店,牆上啲污漬應該十年無清洗過即使清洗都應該抺不掉那種。

廣告

牆上好多呢啲有趣的對聯,喜歡這句「結緣總比結怨好」

牆上好多呢啲有趣的對聯,喜歡這句「結緣總比結怨好」

看看牆上餐牌,好老餅的老少平安、梅子醬蒸排骨和炸鮮魚,又有好多阿姐店主同劉華的合照,她們大概是劉華的fans吧!

單品咖啡有14款,除了熱和凍,仲有泡沬和沙雪, 另外,亦有特色咖啡如朱古力咖啡、榛子咖啡連低因咖啡都有。

我們點了一杯藍山咖啡、一杯巴西山度士,再加一件芝士餅及一個脆朱包。我不懂用好多花巧的字眼來形容咖啡,不過我卻喜歡這杯咖啡的味道,調配得剛好又夠香,因為我係真係好怕那些落好多咖啡豆,弄到杯咖啡只得個苦字的咖啡,豆幾靚都係浪費咗,而且咖啡豆是即叫即磨的 (因為我估平時都唔係好多人飲,磨定應該會浪費咗)。

以十幾廿蚊可以飲到如此質素的虹吸咖啡,真係物超所值。

芝士蛋糕廿蚊一件,不過不失

芝士蛋糕廿蚊一件,不過不失

好好味,啲牛油和煉奶溶哂落去個脆朱包內。

好好味,啲牛油和煉奶溶哂落去個脆朱包內。

原刊於 Sunday More ,本文得作者同意轉載。

發表意見