立場新聞 Stand News

廣告人才是整蠱專家

2018/1/2 — 13:45

電影《整蠱專家》宣傳照

電影《整蠱專家》宣傳照

睇過電影《整蠱專家》,一定明白什麼樣的整蠱技倆,才教人被整到死去活來。做廣告,十個有十一個都怕悶、貪玩,配合創意,確實是一班整蠱高手。

有一次公司有個美術總監生日,同事想了一條絕橋,為他慶生之餘又把他好好折磨一番。一開始,他的老闆把他叫入房,那位同事還輕輕鬆鬆的坐下,老闆一來就問:「你在這裏做了多久?之前都有提過,你近排工作表現有啲跌watt。」那位同事立即正襟危坐,把那輕鬆得意的表情收起。老闆又說:「你知道啦,公司今年生意一直都麻麻,有啲嘢,我哋都身不由己。」邊講邊打開櫃筒,遞上一個白信封。那位同事,思想還來不及反應,口裏就爆粗說:「唔x係嘛?」面色變白,再變紫。然後,老闆仍淡然的對他說:「你鍾唔鍾意都好,都要打開個信封睇下。」打開一看,那當然不是解僱信,竟然是由全班同事夾錢送給他的一張東京機票。原來,同事們為睇好戲,已經在房間安裝了微型攝錄機,連接房外電腦,所有人都圍着食住花生等睇戲,就在他反哭為笑的一刻,一群人捧着生日蛋糕,唱着生日歌,一擁而入。

又有一次,有位年輕客戶主任適逢同女友拍拖周年紀念。為了準時赴會,一早就趕快把所有工作做完。就在他準備離開之際,大老闆從後大喝把他停住,給了他一個urgent task。他當然不敢托手踭,只好接過file,埋位九秒九做完。今次,另一位出名麻煩的阿姐,帶同一隊同事來到他面前,說要立即跟他開會搞清楚一個project 的細節,一傾就成粒鐘。慘了,他大汗叠細汗,如熱鍋上的螞蟻,女友等得不耐煩,電話傳來最後通諜,說十分鐘不出現那就以後不要再出現。他只好向那位阿姐求情,先放他一馬,有什麼恩怨明天再算。就在他跑出會議室的一刻,其他同事及他女友就站在門外夾道歡呼,還放了煙火及小禮炮。

廣告

 

 

廣告

發表意見