立場新聞 Stand News

【廣告觀點】咩胡蘆賣咩藥?

2016/11/16 — 18:32

要數近年出色的藥業廣告,大家當然會諗起幸福,一整個系列campaign將品牌形象升晒級,幕後舵手功不可沒。

但其實早十年前,好多外國大Brand做廣告都好出色,譬如搵嚟陳奕迅拍咗一系列《醫神教你呢健事》,不單搶眼,亦都幫個集團形象貫注咗朝氣同年輕活力,仲成功sell埋旗下產品。

今次輪到另一間國際藥業發功,佢就係Pfizer啦,咁國際化嘅企業,偏偏喺呢次廣告唔玩專業及multinational,而係玩本土同懷舊,正正係逆向思維,令人眼前一亮。

廣告

我最初睇到呢個廣告,全因為肥姐draw咗我個attention,結果睇到尾。

廣告

老實講,偷片剪輯自行配音唔係咩新鮮事,好多網媒已經做緊,不過Pfizer作為國際大Brand,當然會傾掂晒版權同剪輯權返嚟先至做嘢啦,呢種execution喺廣告界又真係少見。

通常要向舊文化致敬,廣告人偏向選擇重新拍過,扮懷舊,譬如CTI殺價超人。

又或者純粹剪歷史footage,不修改footage本身內容,譬如Hong Kong Telecom的「只要有夢想 凡事可成真」。

但以惡搞形式重剪舊片,我就recall唔起。

其實Pfizer今次玩呢個execution亦係合情合理,因為今次product打長者主意,《七十二家房客》係一套甚至比叔叔個年代更久遠的作品(1973年),當年有睇嘅人,今年應該年過60,正正係Target audience,須知道而家Facebook已經唔係後生仔平台,幾多長者藉此渡日同睇新聞,我估應該吸到唔少長者注意。

更值得注意嘅係,片尾佢仲搞咗個免費放映會活動,地點係新光戲院,哎唷,連「蛇、齋、餅、粽、戲」都出埋,呢一針拮落去應該唔知痛咯。

 

作者:LJ

廣告狂人 facebook

發表意見