立場新聞 Stand News

強國人鍾意「澀澀地」

2018/6/29 — 17:04

維他檸檬茶廣告截圖

維他檸檬茶廣告截圖

世界上有甚麼是「澀澀地」,但又好好味,仲會上癮,如吃藥般,一日早午晚隊三支?

唔講可能唔知,正是「澀得起就係我」的維他檸檬茶,近兩年來在中國忽然大賣,登上天貓網全國飲品銷售額之冠,更勝一直領先的可口可樂及王老吉涼茶。

在大陸,年輕人就是喜歡維他檸檬茶的苦澀味道,沒有那麼甜也沒有那麼假,飲落更似用真正紅茶開泡,雖比起康師傅檸檬茶賣貴成倍,但銷量比後者更高。

廣告

在香港,講起檸檬茶,大多數人都只記得陽光檸檬茶歷年來的廣告,大概由於有梁藝齡、鄭伊健、樊亦敏、賴沅貞、何嘉莉、張栢芝,數之不盡的經典演繹……相反,維他檸檬茶雖也有用過 Chilam、天佑同維園亞伯,但比起陽光就差幾條街,就算比起自己公司的維他奶廣告,也遠遠落後。只記得大概十年前,維他檸檬茶起用尹光和歐陽靖互唱互 rap,正式將「維他檸檬茶」名字淡化,改用三個英文字 VLT,明顯決心要把品牌打入年輕人市場。一叫,就叫了十年,香港較年輕的一代,今天只知道 VLT,而維他檸檬茶,可能從未聽過。

我在中學時代,暑假期間背着背包去歐洲旅遊,一去就去了兩個月。講你都唔信,我最掛念的,不是何人何物,回家後第一件事情,就是打開雪櫃飲那盒冰凍好味的維他檸檬茶。也曾想過,為甚麼它的味道,跟陽光、雀檸、Snapple 始終有分別,明知大家都是調出來,可能真的如廣告所說的「紅茶檸檬比例完美」及它獨特的苦澀味。恰好適合大部分香港人,如今延至大陸人的口味。

廣告

飲品之中,同樣賣苦澀味的除了維他檸檬茶,令我想到健力士黑啤,自林子祥男人味來到近年的麥浚龍,亦同樣講層次。一黑一黃,講味道之餘,更凸顯性格,一個「澀得起」,另一個「耐人尋味」!

 

原刊於《蘋果日報》

發表意見