立場新聞 Stand News

惠家仁過年都睇美人魚

2016/2/25 — 17:55

最近看到一個電視廣告,feature 咗13種香港人,來自不同背景、扮演生活上的不同角色,但全部都叫惠家仁,其共通㸃都係為家人謀取幸福,默默耕耘,不辭勞苦。在Facebook 留言,仲有惠家仁親自答覆,送上溫馨語句及鼓勵。先唔好理有幾多係自己友或槍手留言,廣告係拍得有心思的。有時好多品牌做了這些形象廣告,對於提升品牌形象及知名度、改善喜愛度,效益有多大,投資的ROI又如何,實在難以評估。我講咗咁耐,到底有幾多人知我講緊邊個廣告?而呢個廣告又係賣緊邊個品牌?

惠而浦?三菱?惠康?

電影唔同電視廣告。電影的幕前幕後及故事訊息絶大部分都公開宣傳,眾所周知。就好似《美人魚》嘅一眾主角林允、鄧超、羅志祥,以星爺近年執導的電影來說,提倡環保作主題,凸顯了新一代中國富人的自私、不擇手段。該片在中國上映12日就以24.4億人民幣刷新華語片票房紀錄,不到一個月,突破28億。開拍商業電影,ROI首講票房。要贏得票房,原因不外乎casting、劇本、導演。週邊因素例如3D特技、配樂、攝影、社會話題性。說穿了,仲要靠宣傳。星爺本身就係最佳宣傳,再加埋請你全日任搭天星小輪、八爪魚小豬嘅咁啱得咁蹺「我是中國人」事件、林允的過關斬將選拔都幫到部戲預熱。最後咁收得,大圍似乎都係Like多過彈。你唔好理,佢揀農歷年檔期,大家都係務求輕輕鬆鬆、一家大細出街睇場戲笑完返屋企。至於佢想帶出嘅環保訊息,可以說係一個有社會話題性嘅背景,而用美人魚,就係一個劇本嘅point of difference。我絶冇能力亦冇相關資料去懷疑星爺對於宣傳呢個環保訊息嘅初衷,然而,事實證明,這個訉息清晰咁傳開咗,金錢收凸咗,也娛樂咗大眾。好可能,連各位辛辛苦苦擔起頭家嘅惠家仁都入場睇咗笑餐飽。

廣告

做廣告同電影的共通點,係希望娛樂大眾之餘,可以感動同影響觀眾。《美人魚》,一舉多得,唔駛你讚,佢都係贏!

廣告

發表意見