立場新聞 Stand News

手機被偷 失亡母照片 地盤工人寫大字報懇求小偷歸還 網民廣傳:滾動

2016/5/27 — 21:35

Facebook 截圖

Facebook 截圖

不少人都有遺失手機、錢包的經驗,錢財雖是身外物,但有時手機、錢包內的相片與回憶,卻是有錢也買不回來。有網民今日在facebook上載相片,指有地盤工人被偷手機、錢包,特意寫出多張大字報,懇求小偷歸還手機內亡母的照片,其感動的故事獲大批網民轉發。

由網民上載的相片可見,該地盤工先後寫了多張大字報,懇求小偷歸還手機及錢包。

其中一張寫道:「求你了,銀包d(啲)錢俾晒你,證件唔該俾返我。證件都可以唔要,但係唔該畀返手機我。手機入面d嘢對我好重要,手機冇咗就搵唔返,真係唔該你,銀包入面仲有張相,感謝。」

廣告

另一大字報中,地盤工人更勸勉小偷回頭是岸:「我知你係個好人,你唔係殺人放火,你只係一時之間搵唔到正確的方法去解決問題。你仲可以返轉頭,真心希望你可以幫幫我,搵辦法俾電話返嚟,回頭是岸。我等你,我們等你,上帝愛你,大家都愛你,等你。」

「我阿媽過世了,唔好連幾張相(都)唔留俾我留念」

廣告

第三張大字報,則相信是小偷已經歸還了錢包,但仍未歸還手機予事主,「好感激你手下留情令我搵返銀包,希望入邊的現金同八達通可以幫助到你。感激你留下所有證件令我免去不少麻煩,你未嘗不是一個好人」。

事主又勉勵小偷努力工作賺錢:「我都好窮,我系(係)個雜工,我今年20歲,我未夠18歲就出嚟做地盤,我女朋友都系(係)地盤雜工。資金有問題可以付出努力汗水解決,我地一樣—冇錢,就自己努力去搵,大家可以,你都可以。」

地盤工續稱,手機內有非常重要的資料,包括是亡母的照片,希望小偷能歸還:「所有嘢都係電話裡面,我阿媽過世了,唔好連幾張相(都)唔留俾我留念。你可以(理解)我的心有幾痛,電話對我嚟講好重要。」他又寫道:「請不要害我永生沒法釋懷。」

上載相片的網民稱,「有人話個失主食晏真係跪左響度,媽媽過左身有啲唯一copy嘅相響手機真係好慘」。亦有不少網民大呼感動,並紛紛轉發相片,希望助事主找回母親的照片。

發表意見