立場新聞 Stand News

【故事】150 定律

2015/9/9 — 22:39

二零一五年九月九日

1990 年代,英國人類學家 Robin Dunbar 研究發現「150 定律」(又稱鄧巴數,Dunbar's number),指一般人最多只能與 150 人建立緊密人際關係。雖叫做「150 定律」,但 150 其實也只是個約數,確實數字因人而異,但最少不會低過 100,最多也不會高於 250。

250 個朋友,就是大腦的限制、時間的限制、心的限制,即人類的限制。

廣告

因為工作關係,我個 facebook 有「朋友」二千餘人,當中有許多是我不認識的。見都未見過。連何時成為「朋友」都茫無頭緒。

但我個 friend 不同,他不是記者,他的 facebook 只有約 300 個朋友上下。不過這經夠讓他頭痛:數字超出了「150 定律」足足一倍。也就是說,他的大腦、時間、心,全部超出負荷一倍。

廣告

一時三刻還好,長時間超出負荷,就會像鹹蛋超人一日到黑 be bu be bu,只有死路一條。但 facebook 就是這麼一回事:朋友的數字就像地鐵的車費,機制上可加可減,實際上只加不減。

怎麼辦?「150 計劃」應運而生。

「150 計劃」是個專頁,專頁目的只有一個,即鼓勵 facebook 用家把朋友 unfriend 至最多 150 人。我個 friend 在專頁介紹上這樣說:「給自己多點時間,給朋友多點空間,讓你的朋友以 150 個為限!」

大概是城市人多多少少都患有社交過量焦慮症。我個 friend 的「150 計劃」專頁一傳十,十傳百,三日內讚好人數竟達一萬。計劃的圖片(請即分享,作為把朋友數量減至 150 的承諾!)熱傳 1047 次,數字還在增加中。

這 1047 人都把自己的朋友數目,不多不少,減至 150。

「我有四百幾個 friend,點揀好 =(」一個網民留言。

「其實你不用揀,因為時間同精力一早已經幫你揀左。有好多人 facebook 上係你個 friend,但其實你問心?根本無傾偈好耐。刪左果 D佢啦。講到尾,150 計劃唔係要同人交待,而係面對自己。」我個 friend 如此解釋。

「我……岩岩 unfriend 左我個小學 best friend。」

「好事。舊既唔去,新既點來?」我個 friend 答說。

「unfriend 左人,會唔會搞到人唔開心……」還有一個網民問。

「同佢解釋啦。人既精神同時間有限,佢會明既。」我個 friend 回覆。

然後他又看到另一網民留言。這次是個女的。「我……諗我要 unfriend 我前度。」她說。他就是她的前度。而且,他還很愛她。等等,她知道專頁是我開的嗎?我個 friend 定一定神。應該不可能,我從沒透露過。湊巧而已。甚麼?我要被她 unfriend?那不是以後連聯絡都要斷絕,開甚麼玩笑!

他便連忙把「150 計劃」專頁關掉。

發表意見