AC

AC

立場 Green 、科學版編輯,閑時鐘意飲飲食食。

2018/4/4 - 13:27

【文華雞飯】要 Encore 的新加坡風味

半年前,我食完大角咀文華雞飯,好食到我必須立刻 post 讚,因為其質素拍得住將落戶香港的新加坡天天海南雞飯!當時曾經講過, and I quote myself: 「終於再因為好想食佢而有衝動買去新加坡機票!!」半年後再食同樣的雞飯餐,整體仍保持水準,有些地方更加有改善,是值得讚完再讚的小店。

跟餐的肉骨茶雖非我最愛的胡椒味,但屬正宗馬拉藥材味,落了蘑菇更具新鮮感,老闆果然是曾在新加坡做足十五年廚師的功架。

廣告

至於個雞雖是冰鮮農崗雞,但經過老闆巧手處理,皮下油脂成了晶瑩啫喱狀,每啖肉夠嫩滑、不會油淋淋,而且份量對得住個價錢。重點是油飯!香港所謂的雞油飯通常一係太黃一係太油一係無味,這裡的油飯可以拍得住天天,而且除了以雞油、雞湯製作,更加入蔥頭等香料,好食到感動流涕,要講句:媽啊!真的是新加坡味!

去年雞蛋裡挑骨頭的醬料也有進步,自製薑蓉不再是死辣,蘸雞時更具風味,我更愛將之撈飯吃,爽快;辣醬則繼續香味十足,至於黑醬油我是一直不愛蘸的,所以無法評論了。

題外話:當年去過新加坡幾個月工作,簡直是地獄,曾經講過十年唔會再去。時間過了一半,因為太掛住天天,已買機票八月破戒了。

無骨海南雞飯餐連菜、肉骨茶 HKD82(已加一)

性價比:3.2/5

好食:4.0/5

衛生:3.2/5

文華雞飯(新加坡)

地址:大角咀中匯街 17 號地下

營業時間:星期一至日 11:30 - 22:00 (逢周三休息)

電話號碼: 23014266

原刊於作者 Instagram