立場新聞 Stand News

有挫敗才會進步,期待下一個毛記台慶

2016/5/16 — 23:02

真 DICK 徵 Friend 算係好玩真人 show 《萬千呃like賀台慶》直播片段截圖

真 DICK 徵 Friend 算係好玩真人 show 《萬千呃like賀台慶》直播片段截圖

已經忘記上一次在家等一個電視節目開始是什麼時候,《萬千呃 LIKE 賀台慶》總萛叫我有期待,乖乖坐定等開場。一開始已經有心理預備難和專業電視台製作比較,只求一笑,大部分節目看得出有心思,在歡樂今宵式玩笑上有少少創新,萛是可以接受, 但整個節目感覺係甩cue到有尐離譜,電視睇已經悶死,不知現場的人怎樣過,換場景時用司儀在旁邊介紹下一個節目是常識吧,但見好多部分係甩 cue 、換完景再開始下一個節目,有經驗的司儀可以掌握節奏、執生避免冷場,毛記電視這部分最欠缺。

「腦細」解釋話因為的短片好遲至做好,無時間夾,呢的地方就睇到有幾專業、時間點安排同有幾重視團隊合作,你好勁但同其他人夾唔到,比你一個人識得飛上天又有乜用?現場節目最重要係各個部門都要合作無間,係時候要學識犧牲不停改野,現場錄影同預先錄影係兩回事。

有能力請到一班知名藝人撐場,方健儀、王宗堯,盧冠廷、趙學而總萛係用到本身才藝。夏雨、李司棋、盧海鵬簡直捉到鹿唔識脫角,似乎係比個題目建議就等嘉賓自由發揮,藝人不一定識度稿,白白浪費了。

廣告

看到一群「偽人」落力演出,不是唱家班卻又成晚又唱又跳,東方昇聲嘶力竭睇得好攰好辛苦、崔健芒就學陳叻玩臭寸但一啲都唔好笑⋯⋯太落力了,苦了「偽人」但效果好差。

廣告

毛記應該檢視自己的強同弱項,玩政治、寸無線無問題,只要有料到,否則只係重複歡樂今宵式的節目,無突破好快玩完。毛記的分獎禮、星期三港案、 6 點半左右新聞報導做得好因為定位清晰,節奏明快,無拖拉的感覺,台慶則東拉西扯有餘而接駁吾連貫。

近來毛記電視網站已經多左好多短片,主要係玩野同開心 share 的短片,可以看到管理層明白單玩政治同無線不能長久,要開新觀眾源就要有新元素。台慶能夠在免費電視播出,收視最高有 9 點約 60 萬人觀看,證明觀眾係想睇有質素的節目,網媒和傳統的結合可以互惠,以後仍有合作空間。

毛記電視個頭開得好,分獎禮有成績,我好期待台慶但今次吾合格了,要繼續紅得起,考驗才真正開始,要繼續玩無線就預備毛記暑假節目巡禮啦,我期待下一個《萬千呃 LIKE 賀台慶》。

發表意見