立場新聞 Stand News

比女友捉實唔准返工,咆哮有鬼用咩?

2016/2/4 — 12:03

一對男女在商場鬧交,男仔瘋狂咆哮「我要返工呀,你想點呀大小姐?」「咁我使唔使交租呀?係咪要我無咗份工先安樂呀?」⋯⋯

哥哥仔,我撐你!要交租要生活梗要返工,睇個女仔只係要你唔返工,又唔見佢係有乜正經事要你做,可知只係個野蠻女友。比佢強而有力咁捉住你都無還手,無打女人,只係狂哮,肯肯定你係個好男仔,難怪女友捉住唔放。

同人鬧交,梗係一來一往至夠氣氛、有火花,最少知道你嬲乜東東。以前就話最怕女人一哭二鬧三上吊,而家應該無女人咁傻豬了。男女鬧交,男人最怕女人唔出聲,都唔知你個心諗乜,除非男人夠冷靜或怕左你走人,否則多數手足無措,之後都係要氹返女仔。

廣告

下次女友又用呢招,你試下:

無聊電視版:撲上去對準豬唇錫落去,等佢呆一呆預備深情回應時速逃。

廣告

少林功夫版:掂高腳捧起女友塊面,扮深情錫佢,乘機出鐵頭功撼暈佢走人。

粵語長片紫羅蓮版:傻女哭音講:「大人,我個身子已經比左你,而家都要比我老闆㗎,比佢發現你同我係呢度咁樣,以後仲點見人?鳴嗚⋯⋯」

吳星星版:我唔係去坐洗頭艇呀,我有帶回鄉證架!我真係返工㗎!最多返到公司傳真比你喇!

冤豬頭都有盟鼻菩薩,可以比個女仔係大庭廣眾下拉住唔放,做左一回網上紅人,

希望下次你地係溫馨版啦~

發表意見