立場新聞 Stand News

毛記電視今晚台慶 林日曦:等我哋可以重拾往時成家睇電視嘅樂趣

2016/5/11 — 8:44

林日曦 facebook

林日曦 facebook

毛記電視今晚將會在會展舉辦台慶騷《萬千呃Like賀台慶》,免費電視Viu TV將會獨家直播,意味在網上風行的毛記電視正式走入免費電視,透過大氣電波接觸市民。創辦人林日曦今日凌晨在facebook發文,「有時要跳返出嚟先覺得夢幻:毛記台慶,將會真係喺個電視機播出嚟,播嗰個仲要係免﹣費﹣電﹣視﹣台。」

林日曦指出,今晚毛記台慶會在免費電視直播,「收視相信都係得嗰三幾點」,「但呢三幾點,加上用app用網睇嘅觀眾,其實係代表緊一群麻煩嘅小眾,想話同人多勢眾嘅大眾講:其實我哋好簡單,一直以嚟,只係想呢個世界多啲選擇,等每個人都睇到啲自己鍾意睇嘅電視節目。」

他又提到,假如成家人都鍾意睇同一個節目,可以重拾往時一家人或者成班朋友一齊睇電視嘅樂趣,「希望今晚就係一個咁嘅節目,無需討好所有人,但總有一兩個家庭、三數班Friend,會因此而再次一齊聚集喺客廳,扭開部電視,一齊笑,一齊標眼屎。有咁樣樣嘅情況發生嘅話,我仲有我嗰班辛苦過我嘅同事,應該就會覺得瞓少咗呢幾個月,係值得嘅。」

現在是凌晨4點, 啱啱返到屋企。 仲有唔夠16個鐘,就係毛記電視一歲大壽台慶嘅大日子。 頭先有位朋友喺會展現場同我講,話見到個舞台,再諗返起5年前我哋搬入富德樓時嘅畫面,就替我哋揀動。佢唔講我唔覺,一講我先醒起,係,又5年。如果由黑紙開始...

Posted by 林日曦 on Tuesday, May 10, 2016
廣告
廣告

發表意見