立場新聞 Stand News

洪永城為「護士社會地位不高」論道歉

2015/12/2 — 16:42

無線新劇《實習天使》今周首播,男主角洪永城 facebook 發帖宣傳,豈料一句「護士,喺社會上嘅地位不高」,撻著整個醫護界,被形容為公關災難。洪永城今日下午發帖澄清,指稱自己「可能詞不達意」引起外界不滿,又「懇請大家可以接受我嘅道歉」,獲不少網民表示諒解。

《實習天使》周一首播,洪永城率先在 facebook 發帖介紹新劇,第一句寫道「護士,喺社會上嘅地位不高」,引起不少網民狂插,甚至有人形容帖子「公關災難」。原文從第三句開始,已經轉向為護士平反,指他們的工作「不比下醫生」,但很多網民認為第一句已錯誤理解護士專業、反映早有偏見,所以大肆抨擊。

護士,喺社會上嘅地位不高,但其實喺救助病人嘅工作入面不比下醫生、由照顧傷者身體日常生活嘅需要、到心靈上嘅安慰同關注,肯定咗護士嘅重要性。而有呢班白衣天使,先可以堅定醫護人員嘅工作,醫生護士一齊合作,才能為病患者提供最好的。#實習天使 #今晚九點半開始 #我叫死神 Ray

Posted by 洪永城Tony的地球 on Sunday, November 29, 2015

不滿情緒發酵數日,洪永城今午再度發帖,回應事件,澄清文章原意是「希望帶出護士嘅貢獻同功勞、其實同醫生同樣重要」。他又希望網民可以「除咗睇第一句之外,睇埋內文」,但就今次引起廣泛輿論,表示願意承擔責任,直言:「可能我詞不達意,引致各位、特別係醫護界朋友不滿,我懇請大家可以接受我嘅道歉。」

廣告

道歉文字發表兩小時,獲得數十個留言,大部分回應均對洪永城給予支持,亦有人提醒他作為公眾人物,言行必須小心謹慎。

撰文嘅原意,係希望帶出護士嘅貢獻同功勞、其實同醫生同樣重要,護士喺社會應該獲得更高度嘅尊重,呢個就係我想表達嘅意思。如果有時間,希望各位除咗睇第一句之外,睇埋內文。不過可能我詞不達意,引致各位、特別係醫護界朋友不滿,我懇請大家可以接受我嘅道歉。透過今次拍攝更令我體會到護士工作嘅難處;我認真地尊重你地嘅工作。

Posted by 洪永城Tony的地球 on Tuesday, December 1, 2015
廣告

發表意見