立場新聞 Stand News

澳洲半傳統聖誕晚餐

2015/12/22 — 16:30

【文:Mr. Roo 袋鼠先生】

澳洲半傳統 Christmas Dinner 蘋果木煙燻雞 + Salad x3 + 甜品 + 無聊Christm Cracker

搞左咁耐gag, 講番的認真少少野先, 今年聖誕未到, 不如post下舊年聖誕食左乜啦, 澳洲呢邊的聖誕, 就唔似得香港咁係出去同朋友狂歡的, 反而似農曆新年或者做冬, 是一家人坐埋一齊團聚食晚餐的日子, 基本上所有商舖都唔會營業。

廣告

呢個相集, 是我和另一半及佢地一家一齊整的(果個好似慈禧太后頂帽咁的餐巾是我摺的, 勁呀哩), 唔好睇的雞好似燒到好燶咁, 果的面層香料燒完好好食的, 你睇切開左果幅圖, 幾靚呀喂。

又講左咁耐廢話, 你俾我諗番張圖果的係咩來先...

廣告

煙燻燒雞 Smoked Chicken
薯仔沙律 Potato Salad + 炸紅葱頭
田園沙律 Garden salad
火腿Coleslaw(而我不知道coleslaw中文叫乜)

煙燻燒雞:

咁燒雞落左咩香料呢? 因為是舊年的事了, 正所謂燒雞燻肉何時了, 往事知多少, 所以我都只係記得少少:

1. 先用鹽抹雞全身

然後:

茴香子(唔知中文岩唔岩, 總之係Fennel)
黑椒
乾紅椒
芫茜子(同上, 總之係corriander seeds)
Tumeric
Smoked paprika(粉)

以上材料比例全部各1份, 撈均, 足夠抹成隻雞就可以, 呢度3隻中小雞, 用左約未夠1個ikea膠碗, 剩低的香料只要未接觸過生雞都可以放係玻璃瓶下次用, 所以你一次溝定多少少都唔怕, 就算唔煙燻, 就咁用來焗雞、煎雞、炒雞都得, 咁就唔駛用的時候再拎晒的材料出來溝來溝去。

至於煙木, 印象中, 係用左蘋果木去煙的, 點煙?

咁樣的:

1. 整濕用來煙燻的木 (要浸, 唔係求其濕下水)
2. 放在已生火的BBQ火爐裡面 (焗爐呢做好難做到呢個效果的)
3. 放隻塗左香料的雞入去爐裡面
4. 煙燻木放係雞旁邊或者一角唔好太近火, 唔好燒著, 雞同木都唔好接觸到火炭
5. 雞下面用個tray盛著滴落來的真雞汁 (留來整雞Gravy)
6. 用低溫 (約130C) 燒約2小時 (視乎隻雞幾大), 到雞脾最厚肉的位用燒烤溫度計篤落去, 65C為之完美, 有豐富肉汁而不乾

聖誕溫馨提示是咁的:

1. 個木一定要浸水, 因為唔可以燒著, 木濕左燒唔著先會咁樣煙煙地。

2. 用幾多木呢? 是乎你要幾多煙味, 呢度呢用左大約3隻女仔拳頭咁大的木, 煙足2個鐘, 我覺得煙味重得滯, 好似食緊元寶蠟燭咁, 你用少的木, 或者煙少的時間, 就可以少的煙燻味。

3. 煙紅牛或者羊的話, 我覺得呢個煙燻程度是可以的, 但煙白肉就有點over。

Christmas Cracker:

咁除左食晚餐之外, 澳洲人聖誕節仲會做咩呢? 飲酒就一定啦唔駛講, 另外有樣無聊野叫Christmas cracker, 唔好誤會, 唔係餅乾來的, 係一個好似糖形的紙筒, 通常一pack買有4-8隻, 足夠一圍枱一人一隻。

玩法呢, 係每人中間有一隻cracker, 即是每人拉著2個cracker的各一邊, 咁成圍枱人一拉就會pop一聲, 然後裡面會有個比我的文更加完全笑唔出的爛gag, 或者叫你猜下謎(which is another form of 爛gag), 同埋會有頂好似閃電傳真機主持扮黑白無常咁的紙帽俾你戴, 但質料薄過廁紙, 就咁喇。

又點解話呢個dinner係半傳統呢? 因為其實唔係個個澳洲人都會煙燻雞, 呢個其實有一半係美式食法來既, 除此之外, 當然其他的菜式都是澳洲一般家庭好常見的啦。

希望大家同朋友過又好, 同家人過都好, 都有個Merry Christmas :)

 

作者 facebook page

發表意見