立場新聞 Stand News

無可奈何地消費別人的專業

2017/10/4 — 11:22

在非牟利機構工作,絕對係 No Pain No Gain,快樂與痛苦長存。能幫助到受惠人士當然開心,但工作的困難不為外人道。

最難的部分是在工作上如何平衡預算與管理工作成果,大部分機構靠籌款為生,用一分一毫都要對捐款者負責,所以能慳則慳。但攪活動時,設計、印刷、場地、廣告等等很多工序都要購買,此時要發出無budget幫下手的訊號,對方見 NGO ,總會平少少,或者碌盡人情咭。

平衡各方要求是個大學問, NGO 的採購原則總是價低所得為主,曾在一間採購嚴謹的機構工作,只能歎句盡量唔好用錢,採購程序之複雜、做完至比錢、招標書的條款絕對只保障機構,小公司怕複雜、怕數期長,大部分都不願意入標,變相中標的只有大公司。無得揀的後果可能令行政費、籌款支出較高。這時候,你會特別喜歡 Benson Tsang 平等分享行動的理念──不要組織、不是慈善機構、自己想做就自己負責。

廣告

又會有人話,點解唔搵義工?義工當然要搵,但不能全靠義工,有心人不少但大家攞左個心出來,其他的要求好像都是太多。而且大部分義工亦有自己的工作、時間表,很難要求佢地全部配合你,尤其出活動時,甩底的義工可能真的臨時有事,但確令主辦單位難做。所以有時活動預太多義工會唔夠野做,預太少有人甩底又頭痕。

可以的話,我最不願意要專業人士低價接 job ,怕對方以為要求也會相應減低,因為出來的效果唔夠好,老闆唔收貨,小職員兩面不是人。而且一些專業如繙譯、設計等,往往需要一些時間磨合和適應,只以價錢高低來選擇其實好唔公平,但在採購的原則及面對捐款者的評核因素下,只有無可奈何地繼續消費別人的專業。唯有自己都做下義工,等下世唔駛還咁多,哈哈!

廣告

發表意見