立場新聞 Stand News

粽族歧視文

2016/6/11 — 11:45

【文:Jaco 周諾恆】

好,屈原節差不多過去,不用再看根本不懂吃粽的台灣人白搞族群分裂爭辯甚麼屁北部粽南部粽了。

[飲食法西斯mode:on] 
[文化差異大愛包容:off]

廣告

為何說台灣人沒資格搞粽族主義?因為台灣粽根本是浪費食物的食法。首先是餡,不論南北,他們都會加乾蔥頭甚至蒜去炒。屌!普通綠色蔥用油爆香之後都太搶味啦!仆你個街!仲乾蔥!你哪可能還食得到冬菇、蝦米以至糯米香、粽葉香呀!食到都分唔到質素啦!

其次,屌!那星!加了乾蔥還不夠喎,食的時候還要加掩蓋百味、膩滯無比的台灣之寶醬油膏,北部再加甜辣醬,南部再加肉燥汁、花生粉,傻的嗎?粽子本身又何必用心做呢?

廣告

不是有口話人無口話自己,廣東人食糭加豉油或白糖,其實都係戇鳩,不過程度上無咁高。而且廣式咸肉糭,行極簡主義,配料只有糯米、綠豆、五香肉、咸蛋黃,滋味樸實,是食嗰樣東西食嗰樣味者。綠豆邊粉身,又能吸收豬肉油份,香口得來不會食到成嘴油。至於肇慶裹蒸糭,正宗者連蛋黃都沒有。時興乞兒賣富,糭子鬥大隻鬥包鮑魚、燒鴨便以為豪闊,妄稱糭王糭霸者,殊傖俗矣。

潮州糭者,豬肉蛋黃豆沙同現出現,是潮州點心咸甜並食的獨特口味,外人不易理解。

廣東地區客家人包糭,不一定加蔥頭。台灣客家人有粄粽,不下米粒,而以糯米、蓬萊米磨漿製成,雖然較易消化,但口感不如米粒豐富,味道亦難融和。曾食過客家婆仔改良version的客家糭,只用腩肉、香信、蝦皮,小香信肉薄而香味勝於冬菇,蝦皮味道文秀而不搶,而且兩者價錢比冬菇、蝦米平得多,是又平又好味的大智慧。可惜現在已見不到那婆仔了。

土瓜灣廈門風味阿珠小吃有廈門糭,其實風味亦是大堆頭製作,醬油糯米紅燒腩肉蝦米香信花生綠豆還要加栗子,不過樣樣都用料不俗而且廚功了得,食落都相當過癮,就係份量和油量太大,大食如老衲一餐也食不完一隻。

香港又多人食上海糭。上海糭的糯米也帶醬油,口味比廣東咸肉糭豐富;但不會亂用乾蔥蒜頭炒料,於是又不至於像客家糭般俗氣。今年老衲女友買了銅鑼灣新貴華記永昌號 (圖下) 及老牌名店老三陽 (圖上) 的出品一試,兩者調味都輕手,包得甚靚仔結實,而且不似cheap糭般為慳火水時間而未烚得透盡便賣,一熱就食得不需自己煮多一小時,食得非常開心。華記糭葉甚新鮮,香味撲鼻,用料亦ok,25元一隻是抵食;老三陽48蚊一只,貴足一倍,但肉味更好,而且咸蛋黃靚到嚇親老衲,蛋黃油四圍流不在話下,食味甘香,而且質感鬆化得入口即融,是足以食到呻吟的級數,對得住其價錢的。

只不過糭子本身幾簡約調味幾輕手都好,都係hea9vy的食物,所謂金華火腿在兩者中都唔係好覺其角色何在,之後都係買鮮肉糭算了。

灣仔好日誌【 社區分享 糭有出路 】:

 

【 社區分享 糭有出路 】 / 節氣 / 端午吃糭(粽),無疑是飲食上的行禮如儀,大家都自覺地跟著節氣(芒種)過日子。各地也按著族群喜好的食材而變出不同的口味。 / 口味 / 在台灣,素有南北粽子之爭,北部粽的糯米先與配料一齊拌炒後包粽...

Posted by 灣仔好日誌 on Friday, June 10, 2016

發表意見