人在中環 - CK

人在中環 - CK

我係一隻又笨又固執既豺狼。著有《人在中年》

2019/2/21 - 17:39

自己人生 自己選擇

圖片來源:Bethany Legg, Unsplash

圖片來源:Bethany Legg, Unsplash

曾經聽過有讀者朋友問過我一個有趣嘅問題:「我覺得自己工作得唔開心,係咪錯呢?」

我覺得呢個問題本身其實邏輯並唔係好啱。「我工作得唔開心」係一件事實嘅陳述,根本就冇對與錯之分的。當然我知道,朋友問這個問題,背後的真正意思,其實是「我係咪唔應該唔開心呢…」

唔開心是感覺,同樣冇應該與否。如果感覺是應該被道德審判的話,那麼身體上的痛、痕癢之類的狀況,也應該被審判一番。唔開心也好,痛楚痕癢也好,只代表現狀對你而言並不舒服,你要嘗試解決這種唔舒服嘅感覺,否則自己辛苦,僅此而已。

廣告

至於如何解決,那就各施各法了。有人會揀辭工;有人會選擇同老細炒大鑊,有人會調節自己心態,讓痛楚感覺上輕一點;當然也有很多人選擇繼續承受,繼續唔開心。

但選擇如何,同樣都係冇對與錯。世人都喜歡將所有事情,加上「對」和「錯」的標簽。這個習慣,讓大家在做決定之前,都增加了一大個道德包袱。冇錯,有些事情的確要考慮對錯,也要考慮責任,但世上同樣有更多事情,其實只是有關自己的感覺,而你也只需要向自己一個人負責任而已。這些事情上的對與錯,都只是別人茶餘飯後的gossip,講得白啲,其實都係多9餘。

唔知點解,人年紀大咗,就越嚟越習慣對那些僅屬於別人嘅對錯有comment。人家對自己的人生有自己的選擇,又唔係影響到你,講到尾,我地其實又憑乜嘢去judge?

作者facebook
 

原文無題,題為編輯所擬