立場新聞 Stand News

英識感恩

2017/2/17 — 13:32

作者供相

作者供相

獎項只有兩種。

一,是新城勁勁勁爆頒獎禮那種。

人人有獎永不落空,攞到冇嘢值得高興,攞唔到先係奇蹟;新城勁勁勁爆真正勁爆嘅地方,係,令你勁爆唔想攞獎。接觸得傳媒夠多,你就會知道「獎項」是他們的賺錢方法。喂 Samuel,我哋 X 周刊有呢個獎喎,你攞唔攞呀,不過要落幾多廣告買幾多圍枱喎。

廣告

這是公開的秘密,不用驚訝。

坦白講,呢啲獎我都攞過。又唔係話攞嗰啲獎證明唔到你有實力嘅,至少,你要有錢先攞到呢啲獎。五太六太七太嘅仔仔女女咁多錢,分分鐘屋企有幾打呢啲類似嘅獎項。

廣告

昨晚情緒激動,因為。

人生第一次拿到一個獎,是會讓我興奮過後,把自己鎖在頒獎禮酒店洗手間的廁格裏面,不受控的飲泣起來。

從廁格走出來,剛巧遇到也有份出席頒獎禮的陶傑,他看到我的兩行鼻涕,先是驚訝,繼而一副慈父樣子,彷彿在說,嚟,Samuel,畀叔叔抱抱。

我終於明白點解人哋攞奧斯卡會喊到豬頭咁,因為奧斯卡有一個真正頒獎禮的 setting。

昨晚的英國文化協會傑出校友獎,有著的正正是這個奧斯卡的 setting。

有機會得獎的 finalists 坐在一起,緊張地等待著結果。周杰倫都有咁唱過,「結果是別人在得獎,你也要給予充份的掌聲與微笑」,未頒獎那刻,我已打定輸數,只期望結果宣佈之後,我能展示出周董歌詞內的非凡演技。

當英國倫敦市長 Lord Mayor Andrew Parmley 宣佈,and the award goes to Samuel Chan,我的心藏在一瞬間收縮又膨脹了十萬次。由「唔諗住攞到」到「竟然會係我」這種反差,這種意外,這種驚嚇,合成結果就是這顆致命的催淚彈。

多謝爸爸媽媽。

多謝公司的戰友。

多謝英國文化協會遴選團的肯定。

當然,多謝 Warwick。沒有 Warwick 的教育、指導、提名,沒有這個哭崩了天的陳思銘。

億萬補習天王林溢欣說,成就自己,再去成就他人。原來成就自己的感覺是一種滿瀉的感恩之情,很慶幸自己終能體會。

電影「激戰」裏的張家輝說,我唔想熄燈之後連一樣值得回憶嘅嘢都冇呀!阿媽,對唔住,大吉利是講句,你個仔今日就算真係不幸熄燈,我都起碼拿到一個永遠值得懷念的肯定。

Steve Jobs 說,you can’t connect the dots looking forward and you can only connect them looking backwards。九歲遠赴英國留學,懵盛盛唔知自己做緊乜,二十年後 connect the dots,我諗用「生性」呢兩個字形容自己,唔算過份。

現在既然成就了自己,在熄燈之前可以 connect the dots,餘下的任務,就是去成就他人。

希望很多年後,我們團隊能夠幫助更多學生,讓他們也可以成為未來英國文化協會傑出校友獎的得獎者。

發表意見