立場新聞 Stand News

華仁梁朝偉

2015/10/7 — 7:51

說母校出了一個梁朝偉,不是譁眾取寵。

華仁那個梁朝偉,跟匯豐梁朝偉不同。匯豐梁朝偉,即是匯豐銀行大班王冬勝,其實一點也不像梁朝偉。那個「匯豐梁朝偉」的稱號,極其量,只是傳媒畀面。係,王生係幾靚仔,但從他身上,絲毫也嗅不出梁朝偉的味道。梁朝偉是什麼味道?我所說的那個華仁仔,他滲出來的,就是梁朝偉的味道。

葉朗程誇張?可能誇咗少少,但誇得來也不是 totally unfounded。昨天《蘋果日報》的李八方說,「總商會有個華仁仔做經濟師」。這個經濟師,名叫董一岳,就是傳說中的華仁梁朝偉。《蘋果》有相為證:這位經濟師笑起來,一分稚嫩,兩分內斂,三分清秀,四分霸氣,根本就是活脫脫一個梁朝偉。當然,梁朝偉的招牌電眼,這位經濟師都有,但為了掩飾自己的童齡,他架起了一副金絲眼鏡,大大減低了電眼的殺傷力。

廣告

掩飾自己的童齡?Yes,這位經濟師年輕得驚人。《蘋果》說他是四十歲以下,報數報得這樣隱晦,可能是不想嚇親人,因為他其實只有三十二。如果你知道總商會上一任的經濟師 David O’Rear 已經六十多歲,你就知道三十二歲擔任這個位置是一件多驚人的事。如果你知道在總商會做經濟師要扛起什麼工作,你就會知道這個梁朝偉絕非池中物。

其實我都唔係好知總商會經濟師要做啲乜,但我肯定總商會嘅 general committee 成員全部都大粒到冇得再大粒。小超人李澤鉅、高盛亞太區話事人 Ronald Lee、田少、蘭桂芳之父盛智文,都是這個 committee 的其中成員。我諗,呢位華仁梁朝偉大概就係要做番 David O’Rear 做嘅嘢,即係定時定候喺呢班大粒佬面前講吓息率走勢、經濟氣氛、營商環境。

廣告

一個三十二歲嘅小朋友,要喺縱橫江湖幾十年嘅豪商巨賈面前講經濟大環境?講真,呢班老江湖識嘅嘢唔多過你?即係叫你同愛因斯坦講 relativity、同莎士比亞講 poetry、或者簡單啲,同 C 朗拿度講點樣「的波」,喂,唔好玩啦。

絕對唔係玩,三十二歲華仁仔,當上香港總商會的高級經濟師,如假包換,香港商界頂尖兒都要聽他指手畫腳發表偉論。聽聞,他曾經在巴黎的羅浮宮出席會議,坐在台上,跟一班歐洲佬討論世界經濟。

一家華仁書院,既有總商會梁朝偉,又有 IFC 張智霖,唔怪得想當年,Marymount 同 Paul Con 嘅女生,從遠處見到華仁條藍色校呔,已經忍唔住,滴到襪頭都濕晒。作為華仁仔,只能說,I can’t be more proud。

發表意見