立場新聞 Stand News

西澳有咩玩 之 袋鼠公園探嫻姨

2016/1/6 — 19:35

圖片來源:Guide.com.au

圖片來源:Guide.com.au

【文:Mr. Roo 袋鼠先生 】

咁的, 眾所周之, 西澳是出名悶的, 有見及此, 其實好耐以前就已經有一個Wildlife Park, 是集合澳洲野生動物於一身的, 而公園裡面, 最遍地開花的, 當然是袋鼠先生啦。

呢個公園的袋鼠s並不是好似一般動物公園咁將動物困入籠裡的, 這裡的袋鼠是係公園內自由走來走去的。

廣告

在入口不遠處, 及公園不同角落, 都會有好像垃圾桶的桶, 千祈唔好掉垃圾入去, 因為佢地係袋鼠食物桶來的, 你可以隨意拿食物餵佢地, 我估那些食物是壓乾左的草或者他植物之類。

另外要注的的是, 如果見到袋鼠袋裡面或附近有袋鼠B, 不要嘗試太接近佢地, 因為佢地驚起上來, 可能會襲擊你的。

廣告

袋鼠之外, 當然有澳洲另一著名動物嫻姨*啦, 嫻姨由於主要糧食是gum tree leaves, 而呢種葉是會食到人混混沌沌的, 所以佢地一日訓到黑, 呢個公園的嫻姨是在一個特別室裡面的, 遊客要排隊入, 通常用手背輕輕拈下影張相就要走, 會跟據動物精神狀態 (混沌 / 非常混沌) 而由職員決定俾唔俾你抱, 通常都無得抱 (唔_係掛?)

其餘呢就仲有黃伯(Wombat), 貓頭鷹, possum, 同埋一眾kangaroo & friends, 個公園其實唔係好大, 個人認為一、兩小時就已經可以行完的, 當然你都可以慢慢行, 行來行去, 玩半日甚至一日的。

玩成日咁有咩食呢? 拿, 呢個公園個"小食亭"呢, 就豐富喇, 賣既野有: 腸仔、洽腸仔、洽熟腸仔、麵包、長形熱狗包、熱狗、茄汁、燒烤醬, 所以呢... 對食有少少要求既朋友, 係可以自己帶食物去的, 係小食亭對開有個草地, 大家是可以係度野餐的。

臨走, 當然唔少得係手信舖買番一的富澳洲特色的中國製紀念品啦。

入場費: AUD$
Adult $27.00
Child (3 – 14 years) $12.00
Student $19.00
Aged Pension $19.00

Western Australian in-date Aged Pension Card or Western Australia in-date Student Card must be presented to receive concession rate

記住如果你唔係本地人, 無本地學生證或者長者證, 好多地方都係買唔到優惠票的。

今次的相並不是袋鼠先生自己影的 (所有圖片都有註明出處), 原因是Perth而家正值夏季, 所有室外活動都太熱了...

訓左覺的嫻姨

訓左覺的嫻姨

袋鼠先生們好平易近人呢;圖片來源: http://www.cavershamwildlife.com.au

袋鼠先生們好平易近人呢;圖片來源: http://www.cavershamwildlife.com.au

BB去媽媽個袋度搵咩野呢? 通常都係食物、玩具、車仔、膠布、水樽等。如果你唔信, 都請你千萬不要去潛佢個袋, 不但佢可能會攻擊你, 而且騷擾動物既行為是唔應該的。圖片來源: http://www.nileguide.com

BB去媽媽個袋度搵咩野呢? 通常都係食物、玩具、車仔、膠布、水樽等。如果你唔信, 都請你千萬不要去潛佢個袋, 不但佢可能會攻擊你, 而且騷擾動物既行為是唔應該的。圖片來源: http://www.nileguide.com

袋鼠公園 Caversham Wildlife Park入口 & 出口 & 售票處 & 中國製澳洲紀念品售賣部;圖片來源: http://www.flyaustralia.co

袋鼠公園 Caversham Wildlife Park入口 & 出口 & 售票處 & 中國製澳洲紀念品售賣部;圖片來源: http://www.flyaustralia.co

公園地圖;圖片來源: http://www.cavershamwildlife.com.au

公園地圖;圖片來源: http://www.cavershamwildlife.com.au

作者簡介:

*編按:樹熊嫻姨,是近年經常被網民使用的改圖。其中一個源起,是英語網絡世界有一張「WTF樹熊」圖片被人用作表達錯愣之意,該樹熊口吃著樹葉。後來,口中放著樹葉就有著表達錯愕的喻意。近年一張嫻姨咬著樹葉、模擬該WTF樹熊的圖片經常被網民使用,嫻姨即成為樹熊的代名詞,改圖也有很多版本。

發表意見