立場新聞 Stand News

足球場,不是捉球場

2016/8/9 — 14:33

網絡片段截圖 / 作者提供圖片

網絡片段截圖 / 作者提供圖片

反對捉小精靈嘅可能佔少數,
大多數嘅人都會投入當中,
但記清楚,足球場唔係「捉」球場,
你可以嫌前面嘅人塞住你行唔到,
但唔可以反指足球場上嘅球員阻住你捉精靈。

踢波唔係大晒,
但呢度係足球場,
最大使用權就係足球員。

就算唔係捉小精靈,
平時踢波有唔少人大模斯樣喺球場掂行掂過,當正球場係無物,惹來場中球員不滿,
球員當佢哋盲慒慒唔知頭唔知路行錯球場
最多呼喝一句:喂,踢緊波呀!

廣告

但依家係見到一隻小精靈而失晒理智衝入球場,
羊群效應下,一個衝,其餘跟住衝,
根本唔會理做嗰度發生緊乜事,
一個衝就話制止到,
但一班人呢?

你唔想人哋阻住你,
你先問自己一句有冇阻住人?

廣告

或者,市民已經自覺行開啲唔好咁近場邊,
大家互相遷就,河水不犯井水
但地方淺窄,人流量多,如何解決?
就只有靠自覺,行開啲,唔好企咁近。

從來冇人唔俾捉小精靈,
但捉嘅同時唔好被衝昏頭腦,
變成我哋口中討厭嘅嗰種人。

我唔係要做判官去批評小精靈訓練員,
而係作為一個踢開聯賽嘅波牛,代入事件去睇,確實憤怒有理。

 

作者 facebook page

發表意見